ബിറ്റ്‍കോയിൻ, നിക്ഷേപകരെ കുഴപ്പത്തിലാക്കുമെന്ന് ലോകത്തിലെ തന്നെ സമ്പന്നരുടെ പട്ടികയിലെ മുൻ നിരക്കാരനായ വാറൻ ബഫറ്റ്. ക്രിപ്റ്റോകറൻസികളിലുള്ള നിക്ഷേപം ഭാവിയിൽ നിക്ഷേപകർക്ക് തന്നെ തിരിച്ചടിയാകുമെന്നാണ് അദ്ദേഹത്തിന്റെ വെളിപ്പെടുത്തൽ.

ഇദ്ദേഹത്തിന്റെ വാക്കുകൾ നിരവധി നിക്ഷേപകരെ പിന്നോട്ടടിക്കുമെന്നാണ് വിദ​ഗ്ധരുടെ വിലയിരുത്തൽ. കഴിഞ്ഞ ദിവസം ക്രിപ്റ്റോകറൻസിയായ റൈപ്പിളിന്റെ മൂല്യം 13 ശതമാനവും ബിറ്റ്കോയിന്റെ മൂല്യം എട്ട് ശതമാനവും ഇടിഞ്ഞിരുന്നു. അമേരിക്കയിലെ ഒമാഹയിലാണ് വാറൻ ബഫറ്റിന്റെ ജനം. സമ്പന്നായിരിക്കെത്തന്നെ ലളിത ജീവിതം നയിക്കുന്നതിന്റെ പേരിൽ ലോകപ്രശസ്തി നേടിയയാളാണ് ഇദ്ദേഹം.

സാങ്കേതികവിദ്യയിൽ പ്രവർത്തിക്കുന്ന അടിസ്ഥാന മൂല്യമുള്ള ഒന്നാണ് ബിറ്റ്കോയിനുകൾ. എന്നാൽ ബിറ്റ്കോയിനുകളിൽ നിക്ഷേപം നടത്തുന്നത് ചൂതുകളിക്ക് തുല്യമാണെന്ന് മുഖ്യമന്ത്രിയുടെ സാമ്പത്തിക ഉപദേഷ്ടാവും ഹാർഡ്‍വാ‍ർഡ് യൂണിവേഴ്സിറ്റി പ്രൊഫസറുമായ ​ഗീതാ ​ഗോപിനാഥ് മുമ്പ് പറഞ്ഞിരുന്നു.

ബിറ്റ്കോയിൻ മൂല്യത്തില്‍ വന്‍ കുതിപ്പുണ്ടാക്കിയതോടെ ആഗോള തലത്തില്‍ തന്നെ വലിയ ആശങ്കയാണ് ഉണ്ടാക്കിയിരിക്കുന്നത്. എന്നാൽ എപ്പോള്‍ വേണമെങ്കിലും മൂല്യം തകര്‍ന്നേക്കാമെന്നാണ് സാമ്പത്തിക വിദഗ്ധരുടെ മുന്നറിയിപ്പ്.

malayalam.goodreturns.in