രാജ്യത്ത് ഡീസലിന് റെക്കോര്‍ഡ് വില. കേരളത്തില്‍ ആദ്യമായി ഡീസലിന് ലിറ്ററിന് 65 രൂപയ്ക്ക് മുകളില്‍ എത്തി. സംസ്ഥാനത്ത് ഇതാദ്യമായാണ് ഡീസല്‍ വില 65 രൂപയ്ക്ക് മുകളിൽ എത്തുന്നത്.

രണ്ടാഴ്ചക്കുള്ളില്‍ പെട്രോള്‍ വിലയിലും ഒന്നര രൂപയിലേറെ വര്‍ദ്ധനയുണ്ടായിട്ടുണ്ട്. ഡീസലിന് ഒരു മാസത്തിനുള്ളില്‍ കൂടിയത് മൂന്ന് രൂപയാണ്. കൊച്ചിയില്‍ ഇന്നത്തെ ഡീസല്‍ വില 65 രൂപ 31 പൈസയാണ്. കാസര്‍ഗോഡ് 66 രൂപ കടന്നു. പെട്രോൾ വിലയും ഇതേ നിലയിൽ തന്നെ കുതിക്കുകയാണ്.

പെട്രോളിയം കമ്പനികൾ ഇന്ധന വില കൂട്ടുന്നതാണ് പ്രധാന പ്രശ്നം. കൂടാതെ കേന്ദ്ര സംസ്ഥാന സര്‍ക്കാരുകളുടെ നികുതി കൂടിയാകുമ്പോൾ വില കുതിച്ചുയരും.

ഇന്ധനവിലയിലുണ്ടായ വർദ്ധനവ് മറ്റ് പല വസ്തുക്കൾക്കും വില വർദ്ധിക്കാൻ കാരണമാകും. ക്രൂഡ് ഓയില്‍ വില വര്‍ദ്ധിച്ചെന്ന് ചൂണ്ടികാണിച്ചാണ് പെട്രോളിയം കമ്പനികള്‍ ഒരു മാസത്തിനുള്ളില്‍ പെട്രോള്‍ ഡീസല്‍ ഉല്‍പന്നങ്ങളുെട വില ഇത്രയും വര്‍ധിപ്പിച്ചത്.

malayalam.goodreturns.in