സ്വ‍ർണ വില വീണ്ടും കൂടി. പവന് 160 രൂപ കൂടി 22,200 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. ഒരു ഗ്രാമിന്റെ വില 2,775 രൂപയാണ്. നവംബറിന് ശേഷം ആദ്യമായാണ് സ്വർണ വില 22000 കടക്കുന്നത്.

ഈ മാസത്തെ ഏറ്റവും ഉയർന്ന വിലയാണിത്. ഇന്നലെയും വിലയിൽ മാറ്റം രേഖപ്പെടുത്തിയിരുന്നു. പവന് 80 രൂപയാണ് ഇന്നലെ കൂടിയത്. ഈ മാസത്തിന്റെ തുടക്കത്തിൽ സ്വർണ വിലയിൽ കാര്യമായ മാറ്റം രേഖപ്പെടുത്തിയിരുന്നില്ലെങ്കിലും കഴിഞ്ഞ മൂന്ന് ദിവസമായി വില കുത്തനെ കൂടുകയാണ്.

കഴിഞ്ഞ ആഴ്ച്ച രണ്ട് തവണ മാത്രം ചെറിയ വിലക്കുറവുണ്ടായെങ്കിലും തൊട്ടടുത്ത ദിവസം വില പഴയ നിലയിലേയ്ക്ക് തന്നെ എത്തി.

പവന് 20,800 രൂപയും ഗ്രാമിന് 2,600 രൂപയുമായിരുന്നു കഴിഞ്ഞ മാസത്തെ ഏറ്റവും കുറഞ്ഞ വില. കൂടിയ നിരക്ക് 21,920 രൂപയും.

malayalam.goodreturns.in