അടുത്ത മാസം അവതരിപ്പിക്കാനാരിക്കുന്ന കേന്ദ്ര ബജറ്റിൽ സർക്കാ‍ർ ഓഹരിയുടമകളിൽ നിന്ന് വാങ്ങുന്ന ഡിവിഡന്റ് ഡിസ്ട്രിബ്യൂഷൻ ടാക്സ് റദ്ദാക്കാൻ സാധ്യത. വിവിധ ഘടകങ്ങൾ മൂലം ഡിവിഡന്റ് ഡിസ്ട്രിബ്യൂഷൻ ടാക്സ് (ഡിഡിടി) കോർപറേറ്റുകളെ ബുദ്ധിമുട്ടിലാക്കുന്നുണ്ട്.

നികുതിയായി ഈടാക്കുന്ന ഉയർന്ന തുക, മൂലധന വരുമാനത്തിലുള്ള ഗണ്യമായ കുറവ് എന്നീ കാരണങ്ങളാലാണ് ഡിഡിടി കോ‍ർപ്പറേറ്റുകൾക്ക് തലവേദനയാകുന്നത്.

ഓഹരി വിപണിയിൽ നിലവിൽ നേട്ടത്തിന്റെ സമയമാണ്. ഈ സാഹചര്യത്തിൽ ദീർഘകാല മൂലധനം ലക്ഷ്യമാക്കിയുള്ള നികുതികൾ ഇക്വിറ്റി മാർക്കറ്റിൽ ചുമത്താൻ സാധ്യതയില്ലെന്നാണ് വിദ​ഗ്ധരുടെ വിലയിരുത്തൽ.

മറ്റ് പ്രധാന ഏഷ്യൻ സമ്പദ്വ്യവസ്ഥകളേക്കാൾ ഇന്ത്യയുടെ കോ‍ർപ്പറേറ്റ് നികുതി നിരക്ക് 30 ശതമാനം കൂടുതലാണെന്ന് 2015-16 സാമ്പത്തിക വർഷത്ത ബജറ്റിൽ ധനകാര്യ മന്ത്രി അരുൺ ജെയ്റ്റ്ലി പറഞ്ഞിരുന്നു. നാലു വർഷത്തിനുള്ളിൽ ഇത് 25 ശതമാനമായി കുറയ്ക്കുമെന്നും അദ്ദേഹം വ്യക്തമാക്കിയിരുന്നു. ഗുഡ്സ് ആൻഡ് സർവീസ് ടാക്സ് (ജിഎസ്ടി) നടപ്പാക്കിയതിന് ശേഷമുള്ള ആദ്യ ബജറ്റാണ് ഇത്തവണത്തേത്.

malayalam.goodreturns.in