സ്വർണ വിലയിൽ വീണ്ടും വർദ്ധനവ്. പവന് 80 രൂപയാണ് ഇന്ന് കൂടിയിരിക്കുന്നത്. കഴിഞ്ഞ മൂന്ന് ദിവസമായി 22200 രൂപയായിരുന്നു സ്വർണ വില. എന്നാൽ ഇന്ന് 22280 രൂപയ്ക്കാണ് വ്യാപാരം പുരോഗമിക്കുന്നത്. ഗ്രാമിന് 10 രൂപ കൂടി 2,785 രൂപയാണ് വില.

ഈ മാസത്തെ ഏറ്റവും ഉയർന്ന നിരക്കാണിത്. ഈ മാസം ആദ്യ ആഴ്ച്ചയിൽ സ്വർണ വിലയിൽ കാര്യമായ മാറ്റം രേഖപ്പെടുത്തിയിരുന്നില്ല. എന്നാൽ രണ്ടാമത്തെ ആഴ്ച്ച മുതൽ വില കുത്തനെ ഉയരുകയാണ്.

കഴിഞ്ഞ മാസത്തെ ഏറ്റവും കൂടിയ നിരക്ക് 21,920 രൂപയാണ്. എന്നാൽ ജനുവരിയിൽ വില വീണ്ടും ഉയർന്നു. പവന് 20,800 രൂപയും ഗ്രാമിന് 2,600 രൂപയുമായിരുന്നു കഴിഞ്ഞ മാസത്തെ ഏറ്റവും കുറഞ്ഞ വില.

പുതുവർഷത്തിൽ വില കഴിഞ്ഞ മാസത്തേക്കാളും കൂടാനാണ് സാധ്യതയെന്ന് വ്യാപാരികൾ കണക്കുകൂട്ടിയിരുന്നു. ഡിസംബറിൽ കഴിഞ്ഞ അഞ്ച് മാസത്തിനിടയിലെ ഏറ്റവും കുറഞ്ഞ വിലയ്ക്കും വ്യാപാരം നടന്നിരുന്നു.

malayalam.goodreturns.in