ഇന്ത്യയുടെ 69-ാത് റിപ്പബ്ലിക്ക് ദിന ആഘോഷങ്ങളോട് അനുബന്ധിച്ച് ഇ-കൊമേഴ്സ് വ്യാപാരികളായ ആമസോണും ഫ്ലിപ്കാർട്ടും വമ്പൻ ഓഫറുകളുമായി രംഗത്ത്. ജനുവരി 21 മുതൽ 24 വരെയാണ് ആമസോൺ ഇന്ത്യയുടെ 'ഗ്രേറ്റ് ഇന്ത്യൻ സെയ്ൽ' പ്രഖ്യാപിച്ചിരിക്കുന്നത്. ജനുവരി 21 മുതൽ 23 വരെ ഫ്ലിപ്കാർട്ട് റിപ്പബ്ളിക് ദിന സെയ്ലും പ്രഖ്യാപിച്ചിട്ടുണ്ട്.
മൊബൈലുകൾ, ഇലക്ട്രോണിക് ഉപകരണങ്ങൾ, ഫാഷൻ ഉത്പന്നങ്ങൾ, ഹോം, ഫർണീച്ചർ, ബുക്കുകൾ തുടങ്ങിയവയ്ക്ക് 80 ശതമാനം വരെ ഡിസ്കൗണ്ടാണ് കമ്പനികൾ നൽകുന്നത്. ഫ്ലിപ്കാർട്ടിന്റെ ഏറ്റവും കുറഞ്ഞ ഓഫർ 69 ശതമാനമായിരിക്കുമെന്നും കമ്പനി അറിയിച്ചിട്ടുണ്ട്.
ലാപ്ടോപ്പുകൾ, ക്യാമറ എന്നിവയ്ക്ക് കുറഞ്ഞത് 60 ശതമാനവും ടിവികൾ, വീട്ടുപകരണങ്ങൾ എന്നിവയ്ക്ക് 70 ശതമാനവും ഡിസ്കൗണ്ടാകും ഈ മൂന്നു ദിവസത്തിനുള്ളിൽ ലഭിക്കുക.
സിറ്റി ബാങ്ക് ക്രെഡിറ്റ്, ഡെബിറ്റ് കാർഡുകൾ ഉപയോഗിച്ച് പേയ്മെന്റ് നടത്തുന്നവർക്ക് 10 ശതമാനം കാഷ്ബാക്ക് ഓഫറും കമ്പനി വാഗ്ദാനം ചെയ്യുന്നുണ്ട്.
malayalam.goodreturns.in