റിലയന്‍സ് ജിയോ ഫോൺ ഉപഭോക്താക്കൾക്ക് സന്തോഷ വാർത്ത. നിലവിലെ 153 രൂപയുടെ പ്ലാനില്‍ ഇനി മുതല്‍ ഇരട്ടി ഡാറ്റയാണ് വരിക്കാർക്ക് ലഭിക്കുക. ദിവസം 500 എംബി ഡാറ്റ ലഭിച്ചിരുന്ന പ്ലാനില്‍ ഇനി മുതല്‍ പ്രതിദിനം ഒരു ജിബി ഡാറ്റ ലഭിക്കും.

28 ദിവസമാണ് പ്ലാനിന്റെ കാലാവധി. കൂടാതെ അൺലിമിറ്റഡ് കോൾ, 100 സൗജന്യ എസ്എംഎസ് സേവനങ്ങൾ എന്നിവയും ലഭിക്കും. നേരത്തെ 50 എസ്എംഎസുകളാണ് ലഭിച്ചിരുന്നത്.

ജിയോഫോണ്‍ ഉപയോക്താക്കള്‍ക്ക് മാത്രമാണ് 153 രൂപയുടെ ആനുകൂല്യം ലഭിക്കുക. മറ്റൊരു ഫോണിലും ഈ പ്ലാന്‍ ലഭിക്കില്ല. ഇത് രണ്ട് ദിവസം കാലാവധിയുള്ള 24 രൂപയുടെ പ്ലാനും ഏഴ് ദിവസം കാലാവധിയുള്ള 54 രൂപയുടെ പ്ലാനും ജിയോഫോണുള്ളവ‍ർക്ക് ലഭിക്കും.

റീചാർജ് ചെയ്യുന്ന ജിയോ വരിക്കാർക്ക് 100 ശതമാനത്തിനു മുകളിൽ പണം തിരിച്ചു നൽകുന്ന ഓഫറും കഴിഞ്ഞ ദിവസം ജിയോ പ്രഖ്യാപിച്ചിരുന്നു.

malayalam.goodreturns.in