സംസ്ഥാനത്ത് സ്വര്ണ വിലയില് വീണ്ടും വർദ്ധനവ്. പവന് 80 രൂപയാണ് ഇന്ന് കൂടിയിരിക്കുന്നത്. രണ്ട് ദിവസത്തെ ഇടവേളയ്ക്ക് ശേഷമാണ് വിലയില് മാറ്റമുണ്ടായിരിക്കുന്നത്. പവന് 22,280 രൂപയിലും ഗ്രാമിന് 2,785 രൂപയിലുമാണ് വ്യാപാരം പുരോഗമിക്കുന്നത്.
ഈ മാസത്തെ ഏറ്റവും ഉയർന്ന നിരക്ക് 22360 രൂപയാണ്. ജനുവരി 17നാണ് ഈ വിലയ്ക്ക് വ്യാപാരം നടന്നത്. ഈ മാസം ആദ്യ ആഴ്ച്ചയിൽ സ്വർണ വിലയിൽ കാര്യമായ മാറ്റം രേഖപ്പെടുത്തിയിരുന്നില്ല. എന്നാൽ രണ്ടാമത്തെ ആഴ്ച്ച മുതൽ വില കുത്തനെ ഉയർന്നു തുടങ്ങി.
കഴിഞ്ഞ മാസത്തെ ഏറ്റവും കൂടിയ നിരക്ക് 21,920 രൂപയാണ്. പവന് 20,800 രൂപയും ഗ്രാമിന് 2,600 രൂപയുമായിരുന്നു കഴിഞ്ഞ മാസത്തെ ഏറ്റവും കുറഞ്ഞ വില.
ആറു ലക്ഷം രൂപയക്ക് മുകളില് സ്വര്ണാഭരണങ്ങളും ആഡംബര വസ്തുക്കളും വാങ്ങിയാൽ സാമ്പത്തിക ഇന്റലിജന്സ് വിഭാഗത്തിന് (എഫ്ഐയു) റിപ്പോര്ട്ട് സമര്പ്പിക്കേണ്ടി വരുമെന്ന് അടുത്തിടെ റിപ്പോർട്ടുകൾ പുറത്തു വന്നിരുന്നു. എന്നാൽ ഇത് ഇതുവരെ സ്ഥിരീകരിച്ചിട്ടില്ല.
malayalam.goodreturns.in