ഓഫർ ഇങ്ങനെ

തിരഞ്ഞെടുത്ത റൂട്ടുകളിലേയ്ക്കുള്ള ആഭ്യന്തര, അന്താരാഷ്ട്ര സർവീസുകൾക്കാണ് നിരക്കിളവുള്ളത്. ആഭ്യന്തര റൂട്ടുകൾക്ക് 769 രൂപയും അന്താരാഷ്ട്ര റൂട്ടുകൾക്ക് 2,469 രൂപയുമാണ് ടിക്കറ്റ് നിരക്ക്.

കാലാവധി

ജനുവരി 25 വരെ ഈ ഓഫറിൽ ടിക്കറ്റുകൾ ബുക്ക് ചെയ്യാവുന്നതാണ്. 2018 ഡിസംബർ 12 വരെ യാത്ര ചെയ്യാനുള്ള ടിക്കറ്റുകൾ ഇത്തരത്തിൽ ബുക്ക് ചെയ്യാവുന്നതാണ്.

ആഭ്യന്തര യാത്ര

769 രൂപയ്ക്ക് യാത്ര ചെയ്യാവുന്ന ആഭ്യന്തര റൂട്ടുകൾ താഴെ പറയുന്നവയാണ്.

• ജമ്മു - ശ്രീനഗർ
• സിൽചാർ - ഗുവാഹത്തി
• ഡെറാഡൂൺ - ഡൽഹി
• ഡൽഹി - ജയ്പൂർ
• അഗർത്തല - ഗുവാഹത്തി
• കോയമ്പത്തൂർ - ബംഗളുരു
• കൊച്ചി - ബംഗളുരു
• ഡൽഹി - ഡെറാഡൂൺ



അന്താരാഷ്ട്ര യാത്ര

ചെന്നൈയിൽ നിന്ന് കൊളംബോ വരെയുള്ള അന്താരാഷ്ട്ര സർവ്വീസാണ് 2,469 രൂപയ്ക്ക് ലഭിക്കുക. മറ്റ് സ്ഥലങ്ങളിലേയ്ക്ക് ഓഫർ നിരക്കിൽ യാത്ര ചെയ്യാൻ സാധിക്കില്ല.



ബുക്കിംഗ്

സ്പൈസ് ജെറ്റിന്റെ ഔദ്യോഗിക വെബ്സൈറ്റായ www.spicejet.com വഴിയും മൊബൈൽ ആപ്ലിക്കേഷൻ, ഓൺലൈൻ ട്രാവൽ പോർട്ടലുകൾ, ട്രാവൽ ഏജന്റുമാർ എന്നിവയിലൂടെയും ടിക്കറ്റുകൾ ബുക്ക് ചെയ്യാം. സ്പൈസ് ജെറ്റിന്റെ മൊബൈൽ ആപ്ലിക്കേഷൻ വഴി ബുക്ക് ചെയ്യുന്നവർക്കും വീണ്ടും നിരക്ക് ഇളവ് ലഭിക്കും.



റീഫണ്ട്

ഈ ഓഫറിനു കീഴിലുള്ള ടിക്കറ്റുകൾ റീഫണ്ട് ചെയ്യാവുന്നവയാണ്. എന്നാൽ ഇതിന് ചെറിയ തുക ഈടാക്കുന്നതാണ്.



എസ്ബിഐ ക്രെഡിറ്റ് കാർഡ്

എസ്ബിഐ ക്രെഡിറ്റ് കാർഡ് ഉപയോഗിച്ച് ടിക്കറ്റ് ബുക്ക് ചെയ്യുന്നവർക്ക് 10 ശതമാനം അധിക ഡിസ്കൗണ്ട് ലഭിക്കും. കൂടാതെ ചെക്ക് ഇൻ ചെയ്യുന്നതിനും മുൻ​ഗണന ലഭിക്കുന്നതാണ്.