ഇന്‍ഷുറന്‍സ് മേഖലയിൽ അടുത്ത പത്ത് വർഷത്തിനുള്ളിൽ നടക്കാനിരിക്കുന്നത് വൻ മാറ്റങ്ങൾ. അടുത്ത 10 വര്‍ഷം കൊണ്ട് ഇപ്പോഴുള്ള ഇന്‍ഷുറന്‍സ് വിപണി നാല് ഇരട്ടിയായി വര്‍ദ്ധിക്കുമെന്നാണ് കണക്കുകൂട്ടൽ. 2021 ഓടെ ഇന്‍ഷുറന്‍സ് ആവശ്യമായ ആളുകളുടെ എണ്ണം 75 കോടി കവിയുമെന്നും കണക്കുകൾ വ്യക്തമാക്കുന്നു.

ഇന്‍ഷുറന്‍സിനെക്കുറിച്ച് ശക്തമാകുന്ന അവബോധമാണ് ഈ മേഖലയുടെ വളർച്ചയ്ക്ക് പ്രധാന കാരണം. കേരളത്തിലെ ഇന്‍ഷുറന്‍സ് മേഖലയിലും ഇതിന്റെ പ്രതിഫലനം ഉണ്ടാകും.

വരാനിരിക്കുന്ന കേന്ദ്ര ബജറ്റിൽ രാജ്യത്തെ എല്ലാ പൗരന്മാ‍ർക്കും അഞ്ച് ലക്ഷം രൂപയുടെ ആരോഗ്യ ഇൻഷുറൻസ് പ്രഖ്യാപിക്കാൻ സാധ്യതയുണ്ടെന്നും റിപ്പോ‍ർട്ടുകൾ പുറത്തു വന്നിരുന്നു. കേന്ദ്ര സ്പോൺസേഡ് പദ്ധതി പ്രകാരം 5000 കോടി രൂപ ഇതിനായി മാറ്റി വച്ചിട്ടുണ്ടെന്നാണ് പുറത്തു വന്നിരിക്കുന്ന അനൗദ്യോ​ഗിക റിപ്പോ‍ർട്ട്.

2001ൽ സ്വകാര്യ കമ്പനികള്‍ കൂടി ഈ മേഖലയിലേക്ക് കടന്നു വന്നതോടെയാണ് ഇന്‍ഷുറന്‍സിനെക്കുറിച്ചുള്ള അവബോധം കൂടുതല്‍ ഉയര്‍ന്നത്.

malayalam.goodreturns.in