കുവൈറ്റ് ആസ്ഥാനമായ ജസീറ എയ‍‍ർവെയ്സ് കൊച്ചിയിൽ നിന്നും പ്രവ‍ർത്തനം ആരംഭിച്ചു. ആഴ്ച്ചയിൽ നാല് സർവ്വീസുകളാകും കൊച്ചിയിൽ നിന്നുണ്ടാകുക. കൊച്ചി അന്താരാഷ്ട്ര വിമാനത്താവളത്തിൽ നിന്ന് സർവ്വീസ് ഉദ്ഘാടനം ചെയ്തു.

ഹൈദരാബാദ്, അഹമ്മദാബാദ് എന്നിവിടങ്ങളാണ് ജസീറയുടെ സർവ്വീസുള്ള ഇന്ത്യയിലെ മറ്റ് വിമാനത്താവളങ്ങൾ. ജനുവരി 18നാണ് ജസീറ എയർവെയ്സ് കൊച്ചിയിൽ നിന്ന് സർവ്വീസ് ആരംഭിച്ചത്.

തിങ്കൾ‌, ചൊവ്വ, വ്യാഴം, ഞായർ ദിവസങ്ങളിലാണ് കൊച്ചിയിൽ നിന്ന് കുവൈറ്റിലേയ്ക്ക് സർവ്വീസുകളുള്ളത്. രാത്രി 8.55ന് കൊച്ചിയിൽ നിന്ന് തിരിക്കുന്ന വിമാനം പുലർച്ചെ 12.45ന് കുവൈറ്റിലെത്തും. തിരിച്ച് ഉച്ചയ്ക്ക് 12.45ന് കുവൈറ്റിൽ നിന്ന് പുറപ്പെടുന്ന വിമാനം രാത്രി 8ന് കൊച്ചിയിലെത്തും.

നവമ്പര്‍ 16ന് ജസീറ എയര്‍വെയ്‌സ് ഹൈദരബാദിലേക്കുള്ള സര്‍വ്വീസ് ആരംഭിച്ച് കൊണ്ടാണ് ഇന്ത്യയിലേക്കുള്ള സര്‍വീസിന് തുടക്കം കുറിച്ചത്. പിന്നീടാണ് അഹമ്മദാബാദിൽ സർവ്വീസ് ആരംഭിച്ചത്.

malayalam.goodreturns.in