സംസ്ഥാനത്ത് സ്വര്‍ണ വില വീണ്ടും ഉയർന്നു. പവന് 200 രൂപയാണ് ഇന്ന് കൂടിയിരിക്കുന്നത്. പവന് 22,560 രൂപയിലും ഗ്രാമിന് 2820 രൂപയിലുമാണ് ഇന്ന് വ്യാപാരം പുരോഗമിക്കുന്നത്. ഈ മാസത്തെയും ഈ വർഷത്തെയും ഏറ്റവും ഉയർന്ന വിലയാണ് ഇന്നത്തേത്.

ഇന്നലെ പവന് 80 രൂപ കൂടിയിരുന്നു. പവന് 22,360 രൂപയും ഗ്രാമിന് 2,795 രൂപയുമായിരുന്നു ഇന്നലത്തെ വില. ജനുവരി 17നും ഇതേ വിലയ്ക്ക് വ്യാപാരം നടന്നിരുന്നു. എന്നാൽ അടുത്ത ദിവസം തന്നെ പവന് 180 രൂപ കുറഞ്ഞിരുന്നു.

ഈ മാസം ആദ്യ ആഴ്ച്ചയിൽ സ്വർണ വിലയിൽ കാര്യമായ മാറ്റം രേഖപ്പെടുത്തിയിരുന്നില്ല. എന്നാൽ രണ്ടാമത്തെ ആഴ്ച്ച മുതൽ വില കുത്തനെ ഉയ‍ർന്നു തുടങ്ങി.

കഴിഞ്ഞ മാസത്തെ ഏറ്റവും കൂടിയ നിരക്ക് 21,920 രൂപയാണ്. പവന് 20,800 രൂപയും ഗ്രാമിന് 2,600 രൂപയുമായിരുന്നു കഴിഞ്ഞ മാസത്തെ ഏറ്റവും കുറഞ്ഞ വില.

malayalam.goodreturns.in