സ്വകാര്യ നിക്ഷേപം

കാർഷിക ഉൽപാദനക്ഷമത വർദ്ധിപ്പിക്കുന്നതിനും സ്വകാര്യ നിക്ഷേപം പ്രോത്സാഹിപ്പിക്കുന്നതിനുമുള്ള പദ്ധതികൾ ബജറ്റിൽ അവതരിപ്പിക്കുമെന്നാണ് അനലിസ്റ്റുകളുടെ വിലയിരുത്തൽ. കൂടാതെ കയറ്റുമതി വർദ്ധിപ്പിക്കുന്നതിനും ധനകാര്യവകുപ്പ് ബജറ്റിൽ വേണ്ടത്ര പ്രാധാന്യം നൽകുമെന്നാണ് വിവരം.

മൂന്ന് പ്രധാന മേഖലകൾ

നയപരമായ കാര്യങ്ങളിൽ ശ്രദ്ധ കേന്ദ്രീകരിക്കുന്നതിനായി സർക്കാർ താഴെ പറയുന്ന മൂന്ന് മേഖലകൾക്കാകും പ്രാധാന്യം നൽകുന്നതെന്ന് സാമ്പത്തിക സർവെ ചൂണ്ടിക്കാട്ടുന്നു.

• തൊഴിലവസരങ്ങൾ
• വിദ്യാഭ്യാസം 
• കൃഷി



2050ൽ

2050 ആകുമ്പോഴേക്കും ഇന്ത്യൻ ജനസംഖ്യയുടെ പകുതിയോളം നഗരങ്ങളിലായിരിക്കുമെന്നാണ് അടുത്തിടെ പുറത്തു വന്ന ലോകബാങ്ക് സർവേയിൽ പറയുന്നത്. 2001ൽ 58.2 ശതമാനമായിരുന്നു കാർഷിക മേഖലയിൽ ജോലി ചെയ്യുന്നവരുടെ എണ്ണം. എന്നാൽ 2050ൽ ഇത് 25.7 ശതമാനമായി കുറയുമെന്നാണ് കണക്കുകൾ.



ജിഡിപി

2018 ഏപ്രിൽ ഒന്നിന് ആരംഭിക്കുന്ന അടുത്ത സാമ്പത്തിക വർഷത്തിൽ 7 മുതൽ 7.5 ശതമാനം വരെയാകും ജിഡിപി വളർച്ച നിരക്കെന്നും സാമ്പത്തിക സർവ്വേ റിപ്പോർട്ടിൽ പറയുന്നു. 2018 മാർച്ച് 31ന് അവസാനിക്കുന്ന നിലവിലെ സാമ്പത്തിക വർഷം 6.75 ശതമാനമാണ് രാജ്യത്തെ ജിഡിപി വളർച്ച നിരക്ക്.