പൊതു തെരഞ്ഞെടുപ്പ്

പൊതു തെരഞ്ഞെടുപ്പിന് മുമ്പുള്ള ബജറ്റ് സാധാരണയായി വോട്ട് ഓൺ അക്കൗണ്ട് ആണ്. അതുകൊണ്ട് തന്നെയാണ് ഇത്തവണ ബജറ്റ് നേരത്തേയാക്കിയതെന്നാണ് വിദ​ഗ്ധരുടെ വിലയിരുത്തൽ.

ചെലവുകൾ ആസൂത്രണം ചെയ്യാം

ബജറ്റ് നേരത്തേ അവതരിപ്പിക്കുന്നത് കൊണ്ട് സർക്കാർ വകുപ്പുകൾക്ക് ചെലവുകൾ ആസൂത്രണം ചെയ്യാനും നിയന്ത്രിക്കാനും ഒരു മാസം അധികമായി ലഭിക്കും. സംസ്ഥാനങ്ങൾക്ക് വിവിധ സ്കീമുകൾ വഴി ഫണ്ട് ലഭിക്കാൻ ഇത് സഹായകമാണ്.

വിമ‍ർശനം

ബജറ്റ് തീയതി നേരത്തെ ആക്കിയതോടെ വിശകലനം ചെയ്യേണ്ട വിവരങ്ങൾ കുറഞ്ഞെന്ന് ആരോപണമുയർന്നിട്ടുണ്ട്. ഒരു മാസം കൂടി ഉണ്ടെങ്കിൽ കൂടുതൽ വിവരങ്ങൾ ബജറ്റിൽ ഉൾപ്പെടുത്താൻ സാധിക്കുമായിരുന്നുവെന്നാണ് വി‍മർശകരുടെ ആരോപണം.

റിപ്പബ്ലിക് ദിനാഘോഷം

റിപ്പബ്ലിക് ദിനാഘോഷത്തോടനുബന്ധിച്ച് ജനുവരിയിൽ 10 ദിവസത്തോളം മന്ത്രിമാരും ഉദ്യോഗസ്ഥരും മറ്റ് കാര്യങ്ങളിൽ ശ്രദ്ധ കേന്ദ്രീകരിച്ചിരിക്കുകയായിരുന്നുവെന്നും വിമ‍ർശകർ പറയുന്നു. 2016 സെപ്തംബറിലാണ് ബജറ്റ് തീയതി മാറ്റുന്നത് സംബന്ധിച്ച് കേന്ദ്ര സർക്കാർ തീരുമാനമെടുത്തത്.

റെയിൽവേ ബജറ്റ്

ബജറ്റ് തീയതി മാറ്റുക മാത്രമല്ല, റെയിൽവേ ബജറ്റ് യൂണിയൻ ബജറ്റുമായി യോജിപ്പിക്കുന്ന കാര്യത്തിലും കേന്ദ്ര സർക്കാ‍‍ർ തീരുമാനമെടുത്തിരുന്നു. ഇത്തവണ രണ്ട് ബജറ്റുകളും ഒരുമിച്ചാണ് അവതരിപ്പിക്കുന്നത്.