സംസ്ഥാനത്ത് സ്വര്‍ണ വിലയിൽ വ‍‍ർദ്ധനവ്. പവന് 120 രൂപയാണ് ഇന്ന് കൂടിയിരിക്കുന്നത്. പവന് 22,680 രൂപയും ഗ്രാമിന് 15 രൂപ വർദ്ധിച്ച് 2835 രൂപയിലുമാണ് ഇന്ന് വ്യാപാരം പുരോഗമിക്കുന്നത്. തുടർച്ചയായ രണ്ടാം ദിവസമാണ് വില കൂടുന്നത്.

ഇന്നലെ സ്വർണ വില പവന് 160 രൂപ വർദ്ധിച്ചിരുന്നു. പവന് 22560 രൂപയും ഗ്രാമിന് 2820 രൂപയുമായിരുന്നു കഴിഞ്ഞ ദിവസത്തെ വില. ജനുവരി അവസാനത്തോടെ വില കുറഞ്ഞിരുന്നെങ്കിൽ ഫെബ്രുവരി ആരിഭിച്ചപ്പോൾ വിലയിൽ വർദ്ധനവാണ് രേഖപ്പെടുത്തുന്നത്.

കഴിഞ്ഞ മാസം ആദ്യം 21880 രൂപയായിരുന്നു സ്വർണ വില. എന്നാൽ രണ്ടാമത്തെ ആഴ്ച്ച മുതൽ വില കുത്തനെ ഉയ‍ർന്നു തുടങ്ങി.

പവന് 22,640 രൂപയാണ് ഈ മാസത്തെ ഏറ്റവും ഉയർന്ന വില. കുറഞ്ഞ വില 21,760 രൂപയും. ജനുവരി 17നാണ് ഏറ്റവും കൂടിയ വിലയ്ക്ക് വ്യാപാരം നടന്നത്.

malayalam.goodreturns.in