സംസ്ഥാനത്ത് പെട്രോൾ, ഡീസൽ വില ഇന്ന് വീണ്ടും കൂടി. റെക്കോര്‍ഡ് വിലയിലാണ് പെട്രോളിന്റെയും ഡീസലിന്റെയും കുതിപ്പ്. പെട്രോളിന് 16 പൈസയും ഡീസലിന് ഏഴ് പൈസയുമാണ് ഇന്ന് ഉയർന്നിരിക്കുന്നത്.

വില റെക്കോര്‍ഡിലെത്തിയെങ്കിലും പെട്രോളിന്റെയും ഡീസലിന്റെയും നികുതി കുറക്കില്ലെന്ന് ധനമന്ത്രി തോമസ് ഐസക് നിയമസഭയില്‍ വ്യക്തമാക്കി. നികുതി കുറക്കുന്നത് സർക്കാർ പ്രവർത്തനങ്ങളെ ബാധിക്കുമെന്നാണ് ധനമന്ത്രിയുടെ വിലയിരുത്തൽ. വരുമാന നഷ്ട്ടമോർത്താണ് സംസ്ഥാന സർക്കാർ വാറ്റ് കുറയ്ക്കാൻ തയ്യാറാകാത്തത്.

കഴിഞ്ഞ മൂന്നു ദിവസമായി പെട്രോൾ വില കൂടി കൊണ്ടിരിക്കുകയാണ്. എന്നാൽ ഡീസൽ വില രണ്ടു ദിവസം കൂടിയാണു വർധിച്ചത്. വില ഏറ്റവും കൂടുതൽ കണ്ണൂരാണ് കുറവ് എറണാകുളത്തും.

പ്രധാന മന്ത്രിയുടെ നിർദ്ദേശമനുസരിച്ച് ചില സംസ്ഥാനങ്ങൾ മൂല്യവർദ്ധിത നികുതിയും (വാറ്റ്) പ്രവേശന നികുതിയും കുറച്ചിരുന്നു.

malayalam.goodreturns.in