റി​സ​ർ​വ് ബാ​ങ്കി​ന്‍റെ വായ്പാനയ അ​വ​ലോ​ക​നം ഇ​ന്ന് ആരംഭിച്ചു. നാ​ളെ തീ​രു​മാ​നം പ്ര​ഖ്യാ​പി​ക്കും. പ​ലി​ശ നി​ര​ക്കി​ൽ കാര്യമായ മാ​റ്റം ഉണ്ടാകില്ല എന്നാണ് സൂ​ച​ന.

ക​ഴി​ഞ്ഞ ര​ണ്ടു ത​വ​ണ​ത്തെ അവലോകനത്തിലും നി​ര​ക്കി​ൽ മാ​റ്റം വ​രു​ത്തി​യി​രു​ന്നി​ല്ല. ഈ ​ധ​ന​കാ​ര്യ വ​ർ​ഷ​ത്തി​ലെ ആ​റാ​മ​ത്തെ​യും അ​വ​സാ​ന​ത്തെ​യും പ്രഖ്യാപനമാണ് നാളെ നടത്താനിരിക്കുന്നത്.

കഴിഞ്ഞ ഒക്ടോബറിലും ഡിസംബറിലും റിസര്‍വ് ബാങ്കിന്‍റെ നയരൂപീകരണ സമിതി അടിസ്ഥാന നിരക്കുകളില്‍ മാറ്റം വരുത്തിയിരുന്നില്ല. ആഗസ്റ്റിലാണ് ഏറ്റവുമൊടുവില്‍ റിസര്‍വ് ബാങ്ക് റിപ്പോ നിരക്ക് 25 ബേസിസ് പോയിന്‍റായി കുറച്ചത്. തുടർന്ന് റിപ്പോ നി​ര​ക്ക് ആ​റു​ ശ​ത​മാ​ന​മാ​ക്കി.

പ​ണ​പ്പെ​രു​പ്പ സാ​ധ്യ​ത വ​ർ​ധി​ച്ചു​വ​രു​ന്ന​താ​യാ​ണു വി​ല​യി​രു​ത്ത​ൽ. സാമ്പ​ത്തി​ക വ​ള​ർ​ച്ച​യും വി​ല​ക്ക​യ​റ്റ​വും കൂ​ടു​മ്പോ​ൾ പ​ലി​ശ നി​ര​ക്കു താ​ഴ്ത്താ​ൻ സാ​ധ്യ​ത​യി​ല്ലെ​ന്നാണ് വിദഗ്ധരുടെ വിലയിരുത്തൽ. എന്നാൽ ചിലർ 25 ബേസിസ് പോയിൻറ് ഉയർച്ചയും പ്രതീക്ഷിക്കുന്നുണ്ട്. റിസർവ് ബാങ്ക് ഗവർണർ ഉർജിത് പട്ടേലിന്റെ നേതൃത്വത്തിലുള്ള നയരൂപീകരണ സമിതിയാണ് നയപ്രഖ്യാപനം നടത്തുക.

malayalam.goodreturns.in