ആധാർ കാർഡുകൾ ലാമിനേറ്റ് ചെയ്ത് ഉപയോഗിക്കുന്നത് അനാവശ്യമാണെന്ന് യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ വ്യക്തമാക്കി. ആധാർ കാർഡ് പ്ലാസ്റ്റിക്കിൽ അച്ചടിക്കുമ്പോൾ അതിലെ ക്യുആർ കോഡ് ഉപയോഗശൂന്യമാകാൻ സാധ്യതയുണ്ട്.

അനധികൃത കേന്ദ്രങ്ങളിൽ ഇവ ലാമിനേഷനും അച്ചടിക്കുമായി നൽകുന്നതിലൂടെ ആധാർ വിവരങ്ങൾ ചോരാനിടയുണ്ടെന്നും യുഐഡിഎഐ വ്യക്തമാക്കി.

ഡൗൺലോഡ് ചെയ്ത, സാധാരണ കടലാസിലുള്ള ആധാർ കാർഡാണ് നിയമാനുസൃതം. ലാമിനേഷൻ ചെയ്ത ആധാർ കാർഡുകൾ ആവശ്യമില്ലെന്ന് യുഐഡിഎഐ സിഇഒ അജയ് ഭൂഷൻ പാണ്ഡെ വ്യക്തമാക്കി. ആധാർ കാർഡുകളുടെ അനധികൃത അച്ചടി, ലാമിനേഷൻ ചെയ്യൽ എന്നിവ കുറ്റകൃത്യമാണെന്നും യുഐഡിഎഐ വ്യക്തമാക്കി.

ആധാർ അപ്ഡേറ്റ് ചെയ്യുന്നതിന് കഴിഞ്ഞ ദിവസം ജിഎസ്ടി 18 ശതമാനം നടപ്പാക്കിയിരുന്നു. ഇതോടെ ആധാർ ഡെമോഗ്രാഫിക്, ബയോമെട്രിക് അപ്ഡേറ്റ് നടത്തുന്നതിന് നിലവിലെ 25 രൂപയേക്കാൾ 4.5 രൂപ കൂടി അധികമായി നൽകണം. അതേസമയം കുട്ടികളുടെ പുതിയ ആധാർ എൻറോൾമെന്റും ബയോമെട്രിക്ക് അപ്ഡേഷനും ഇപ്പോഴും സൗജന്യമാണ്.

malayalam.goodreturns.in