വിദേശത്ത് നിന്ന് കേരളത്തിലേയ്ക്കുള്ള എൻആർഐ നിക്ഷേപത്തിൽ ഉയർച്ച. 2016-17 കാലയളവിൽ കേരളത്തിലേക്കുള്ള എൻആർഐ നിക്ഷേപത്തിൽ 12 ശതമാനത്തിന്റെ വർദ്ധനവാണുള്ളത്. 2017 മാർച്ച് വരെയുള്ള കണക്കനുസരിച്ച് 1,52,348 കോടി രൂപയാണ് കേരളത്തിലേയ്ക്ക് എത്തിയത്.

2017 മാർച്ച് വരെ പൊതുമേഖലാ ബാങ്കുകളിലെ എൻആർഐ നിക്ഷേപം 83,855 കോടി രൂപയാണ്. സ്വകാര്യ ബാങ്കുകളിലെത്തിയത് ആകട്ടെ 68,493 കോടിയും. അതായത് പൊതുമേഖലാ ബാങ്കുകളിൽ 55.04 ശതമാനവും സ്വകാര്യ ബാങ്കുകളിൽ 44.96 ശതമാനവുമാണ് എൻആർഐ നിക്ഷേപമെത്തുന്നത്.

സംസ്ഥാന നിയമസഭയിൽ അവതരിപ്പിച്ച സാമ്പത്തിക അവലോകന പ്രകാരമുള്ള കണക്കുകളാണിത്. 2016 മാർച്ചിൽ എൻആർഐ നിക്ഷേപം 1,35,609 കോടി രൂപയായിരുന്നു.

കേരളത്തിലെ പ്രമുഖ ബാങ്കായ ഫെഡറൽ ബാങ്കിലാണ് ഏറ്റവും കൂടുതൽ എൻആ‍ർഐ നിക്ഷേപം എത്തുന്നത്. സ്റ്റേറ്റ് ബാങ്ക് ഓഫ് ഇന്ത്യയിൽ 33.52 ശതമാനവും മറ്റ് ദേശസാത്കൃത ബാങ്കുകളിൽ 21.06 ശതമാനവും എൻആ‍‍ർഐ നിക്ഷേപമാണുള്ളത്.

malayalam.goodreturns.in