ഐഫോണിനും ഐപാഡിനും വൻ വിലക്കിഴിവ് പ്രഖ്യാപിച്ച് ആപ്പിൾ. ഇന്ത്യയില്‍ ഐഫോണുകള്‍ക്കും ഐപാഡുകള്‍ക്കും 10,000 രൂപ വരെ കാഷ്ബാക്ക് ഓഫറാണ് കമ്പനി പ്രഖ്യാപിച്ചിരിക്കുന്നത്.

ഐപാഡിന്റെ 2018ലെ 9.7 ഇഞ്ച് മോഡലിന് 10,000 രൂപയാണ് കാഷ്ബാക്ക് ലഭിക്കുക. അതുകൊണ്ട് തന്നെ വെറും 15,000 രൂപക്ക് ഈ മോഡൽ ഉപഭോക്താക്കൾക്ക് സ്വന്തമാക്കാം. ഇന്ത്യന്‍ നിര്‍മിത മോഡലായ ഐഫോണ്‍ എസ്.ഇ 7000 രൂപയുടെ കാഷ്ബാക്കിലൂടെ 15,000 രൂപക്ക് സ്വന്തമാക്കാം.

25,000 രൂപക്ക് വിപണിയിലെത്തിയ ഐപാഡ് 9.7 കൂടാതെ ഐപാഡിന്റെ മറ്റ് കൂടിയ മോഡലുകള്‍ക്കും 10,000 രൂപയുടെ കാഷ്ബാക്ക് പ്രഖ്യാപിച്ചിട്ടുണ്ട്. ഐഫോണ്‍ എക്‌സ്, ഐഫോണ്‍ 8, ഐഫോണ്‍ 8പ്ലസ്, തുടങ്ങിയ മോഡലുകള്‍ക്ക് 12,000 രൂപ വരെയാണ് ക്യാഷ്ബാക്ക്.

എച്ച്.ഡി.എഫ്.സി ബാങ്കുമായി സഹകരിച്ചാണ് ആപ്പിള്‍ പുതിയ ഒാഫറുമായി എത്തിയിരിക്കുന്നത്. ഇന്നലെയാണ് ഓഫർ ആരംഭിച്ചത് ഫെബ്രുവരി 14 വരെ ഈ ഓഫറിൽ ആപ്പിൾ ഐപാഡുകളും ഐഫോണുകളും വാങ്ങാവുന്നതാണ്.

malayalam.goodreturns.in