ഓ​ൺ​ലൈ​ൻ ഭ​ക്ഷ​ണ​വി​ത​ര​ണ ശൃഖലയായ ഫു​ഡ് പാ​ണ്ട വിപുലീകരണത്തിന് ഒരുങ്ങുന്നു. അതിനായി 400 കോ​ടി രൂ​പ​യു​ടെ നി​ക്ഷേ​പ​മാ​ണ് കമ്പനി ന​ട​ത്തു​ന്ന​ത്.

അ​ടു​ത്ത 12 മുതൽ 15 മാ​സ​ത്തി​നു​ള്ളി​ൽ രാ​ജ്യ​വ്യാ​പ​ക​മാ​യി 25,000 ഡെ​ലി​വ​റി റൈ​ഡ​ർ​മാ​രെ നി​യ​മി​ക്കാ​നും ഫു​ഡ് പാ​ണ്ട​യ്ക്കു പ​ദ്ധ​തി​യു​ണ്ട്. തിരക്കുപിടിച്ച ന​ഗര ജീവിതത്തിൽ ഫുഡ് പാണ്ട പോലുള്ള ഓൺലൈൻ സൈറ്റുകൾ വഴി ഭക്ഷണം ഓ‍ർഡ‍‍ർ ചെയ്യുന്നവർ നിരവധിയാണ്. ഇന്റ‍ർനെറ്റിന്റെയും മറ്റും ഉപയോ​ഗം വർദ്ധിച്ചതും ഇത്തരം സൈറ്റുകൾക്ക് ​ഗുണകരമാണ്.

ഈ ​സാ​ഹ​ച​ര്യം മു​ത​ലെ​ടു​ത്ത് ബി​സി​ന​സ് വിപുലീകരിക്കുകയാണ് ഫു​ഡ് പാ​ണ്ട​യു​ടെ ലക്ഷ്യം. സാങ്കേതിക വിദ്യയുടെ പിന്തുണയോടെ ശക്തമായ ഡെലിവറി സംവിധാനമൊരുക്കുന്നതായിരിക്കണം ഇന്ത്യൻ ഫുഡ് ടെക് വ്യവസായത്തിന്റെ അടിസ്ഥാനമെന്ന് ഫുഡ്പാണ്ടാ ഇന്ത്യ സിഇഒ പ്രണയ് ജിവ്‍രാജികാ പറഞ്ഞു.

ഇതുവഴി ഓർഡുകളുടെ എണ്ണം ഗണ്യമായി വർദ്ധിപ്പിക്കാനാണ് കമ്പനി ലക്ഷ്യമിടുന്നത്. രാജ്യത്തെ 150 നഗരങ്ങളിൽ 15,000 ൽ അധികം റെസ്റ്റോറന്റുകളിൽ നിന്നുള്ള ഭക്ഷണം ഫുഡ് പാണ്ട വഴി ഉപഭോക്താക്കൾക്ക് ഓ‍ർഡർ ചെയ്യാവുന്നതാണ്.

malayalam.goodreturns.in