പബ്ലിക് പ്രൊവിഡന്റ് ഫണ്ട് (പിപിഎഫ്) നിക്ഷേപങ്ങൾ കാലാവധിക്ക് മുമ്പും പിൻവലിക്കാൻ അനുവദിക്കുമെന്ന് ധനമന്ത്രാലയം. കൂടാതെ പ്രായപൂർത്തിയാകാത്തവരുടെ പേരിൽ ലഘുസമ്പാദ്യ പദ്ധതി നിക്ഷേപം നടത്താനും സർക്കാർ അനുമതി നൽകും. ഇത് സംബന്ധിച്ച ഭേദഗതികൾ ഇത്തവണ ബജറ്റിന്റെ ധനകാര്യ ബില്ലിൽ ഉണ്ടെന്നാണ് ധനമന്ത്രാലയത്തിന്റെ വിശദീകരണം.
അടിയന്തരഘട്ടത്തിൽ അഞ്ചു വർഷത്തിനു മുമ്പ് പിപിഎഫ് നിക്ഷേപങ്ങൾ പിൻവലിക്കാൻ അനുവദിക്കും. നിലവിൽ പബ്ലിക് പ്രോവിഡന്റ് ഫണ്ടിന്റെ മെച്ച്വൂരിറ്റി പിരീഡ് 15 വര്ഷമാണ്.
ലഘുസമ്പാദ്യ പദ്ധതികളിലും അടിയന്തരഘട്ടത്തിൽ കാലാവധിക്കു മുമ്പേ പിൻവലിക്കാൻ നിയമം ഭേദഗതി ചെയ്യും. ചികിത്സയും ഉന്നത വിദ്യാഭ്യാസവും മാത്രമേ അടിയന്തരഘട്ടങ്ങളായി കണക്കാക്കൂ.
പിപിഎഫ് ഒരു സേവിംഗ്സും റിട്ടയര്മെന്റ് ഫണ്ടും കൂടി ചേര്ന്നതാണ്. പബ്ലിക് പ്രോവിഡന്റ് ഫണ്ട് (പിപിഎഫ്) അക്കൗണ്ട് പോസ്റ്റ് ഓഫീസില് നിന്നോ, അല്ലെങ്കില് ഏതെങ്കിലുമൊരു അംഗീകൃത ബാങ്കില് നിന്നോ തുറക്കാന് സാധിക്കും. ഇതിന്റെ റിട്ടേണ്സിന് സെക്ഷന് 80സി പ്രകാരം ടാക്സ് അടയ്ക്കേണ്ടതില്ല.
malayalam.goodreturns.in