ജെറ്റ് എയര്വേസ് കൂടുതൽ അന്താരാഷ്ട്ര സർവീസുകൾ ആരംഭിക്കുന്നതിന്റെ ഭാഗമായി മാർച്ച് 15 മുതൽ ബംഗളൂരുവില് നിന്ന് സിംഗപ്പൂരിലേക്ക് രണ്ടാമത്തെ പ്രതിദിന വിമാന സര്വീസ് ആരംഭിക്കും. പുതിയ ഫ്ലൈറ്റ് ആരംഭിക്കുന്നതിന്റെ ഭാഗമായി ബംഗളുരൂവില് നിന്ന് 11,768 രൂപയുടെ പ്രത്യേക റിട്ടേണ് ഇക്കോണമി നിരക്കാണ് പ്രഖ്യാപിച്ചിരിക്കുന്നത്.
പുതിയ ഫ്ലൈറ്റ് (9ഡബ്ല്യു 26) ഇന്ത്യന് സമയം 2.05ന് ബംഗളൂരൂവില് നിന്നു പുറപ്പെട്ട് പ്രാദേശിക സമയം 9.15ന് സിംഗപ്പൂരില് എത്തും. മടക്കയാത്ര സിംഗപ്പൂരില് നിന്ന് പ്രാദേശിക സമയം 10.15ന് ആണ്. ബംഗളൂരുവില് 12.10ന് എത്തും.
ഇവിടെ നിന്ന് ചെന്നൈ, കോയമ്പത്തൂര്, ഹൈദരാബാദ്, മാംഗളൂര് എന്നിവിടങ്ങളിലേക്ക് ജെറ്റ് എയര്വേസിന്റെ കണക്ഷന് ഫ്ലൈറ്റുകള് ലഭ്യമാണ്. ബംഗളൂരുവിൽ പ്രവർത്തനം ശക്തമാക്കുന്നതിന്റെ ഭാഗമായാണ് സിംഗപ്പൂരിലേക്കു രണ്ടാമത്തെ പ്രതിദിന സര്വീസ് ജെറ്റ് എയര്വേസ് ആരംഭിക്കുന്നത്.
2017 സെപ്തംബർ 30 ന് അവസാനിച്ച ത്രൈമാസത്തിൽ ജെറ്റ് എയർവേസിന്റെ അറ്റാദായം 91 ശതമാനം ഇടിഞ്ഞിരുന്നു. കമ്പനിക്കുണ്ടായ ഉയർന്ന ചെലവുകളും മറ്റ് വരുമാനത്തിലുണ്ടായ കുറവുമാണ് അറ്റാദായം താഴാൻ കാരണം.
malayalam.goodreturns.in