എയർടെൽ ഉപഭോക്താക്കൾക്ക് സന്തോഷ വാർത്ത. വെറും 9 രൂപയുടെ ഓഫറുമായാണ് കമ്പനി രംഗത്തെത്തിയിരിക്കുന്നത്. ജിയോ എത്തിയതു മുതലാണ് ടെലികോം കമ്പനികൾ മത്സരിച്ച് ഓഫറുകളുമായി എത്തിയത്.
ജിയോയ്ക്ക് വെല്ലുവിളിയുമായാണ് എയര്ടെല് ഒമ്പത് രൂപയുടെ റീച്ചാര്ജ് പ്ലാനുമായി എത്തിയിരിക്കുന്നു. 250 മിനിറ്റ് ലോക്കല്, എസ്.ടി.ഡി, റോമിങ് കോളുകള്, നൂറ് എംബി ഡാറ്റ, നൂറ് എസ്എംഎസ് എന്നിവയാണ് ഈ ഓഫറിനൊപ്പം എയര്ടെല് നല്കുന്നത്. ഒരു ദിവസം മാത്രമാണ് വാലിഡിറ്റി.
ഡല്ഹി ഉള്പ്പടെ എയര്ടെലിന്റെ വിവിധ സര്ക്കിളുകളില് ഓഫര് ലഭ്യമാണ്. ജിയോയുടെ 19 രൂപയുടെ പ്ലാനിൽ അൺലിമിറ്റഡ് കോളും 20 എസ്എംഎസുകളും 150 എംബി ഡാറ്റയുമാണ് ലഭിക്കുന്നത്.
എയർടെൽ ഉപഭോക്താക്കൾക്കായി 23 രൂപയുടെ പ്ലാനും പുറത്തിറക്കിയിട്ടുണ്ട്. ഈ പ്ലാൻ അനുസരിച്ച് ലോക്കൽ, എസ്ടിഡി, റോമിങ് അൺലിമിറ്റഡ് കോളും 200 എംബി ഡാറ്റയും 100 എസ്എംഎസും ലഭിക്കും. രണ്ട് ദിവസമാണ് ഈ പ്ലാനിന്റെ വാലിഡിറ്റി.
malayalam.goodreturns.in