പൈസ പിന്‍വലിക്കല്‍

ക്രെഡിറ്റ് കാര്‍ഡ് ഉപയോഗിച്ച് പണം പിന്‍വലിക്കാനുള്ള ഓപ്ഷനുണ്ട് എങ്കിലും അത്യാവശ്യമല്ലെങ്കില്‍ ഒരിക്കലും ഈ ഓപ്ഷന്‍ ഉപയോഗിക്കരുത്. കാരണം ഓരോ ഇടപാടിലും വലിയ തുക പലിശയായി ഈടാക്കപ്പെടും. പണം പിന്‍വലിക്കാന്‍ ഏറ്റവും നല്ലത് ഡെബിറ്റ് കാര്‍ഡുകളാണ് ചെറിയ ചാ‍ർജ് ഇടപാടിന് ഈടാക്കുമെങ്കിലും പണം പിന്‍വലിച്ച ഉടന്‍ തന്നെ പലിശ ആരംഭിക്കും എന്നതാണ് ഡെബിറ്റ് കാര്‍ഡ് ഇടപാടിന്റെ ഗുണം.

വിദേശത്തെ ഉപയോഗം

വിദേശങ്ങളില്‍ ക്രെഡിറ്റ് കാര്‍ഡ് ഉപയോഗിക്കുമ്പോള്‍ കറന്‍സി വിനിമയ നിരക്ക് വിദേശ പണമിടപാട് നിരക്ക് തുടങ്ങി ഒരുപാട് ചാര്‍ജുകള്‍ അധികമായി വരും. അങ്ങനെയുള്ള അവസരങ്ങളില്‍ ഇന്റര്‍ നാഷണല്‍ ക്രെഡിറ്റ് കാര്‍ഡുകള്‍ ഉപയോഗിക്കുകയാണ് അഭികാമ്യം.

പണം കൊടുത്ത് വാങ്ങാം

ചില സാധനങ്ങളും സേവനങ്ങളും പണം കൊടുത്ത് വാങ്ങുമ്പോള്‍ ചില ഇളവുകള്‍ നേടാം അങ്ങനെയുള്ള അവസരങ്ങളില്‍ ഇളവുകള്‍ നേടാന്‍ കാര്‍ഡ് ഉപയോഗിക്കതെയിരിക്കുന്നതാണ് ഉത്തമം.

സുരക്ഷിതമല്ലാത്ത ഇടപാടുകള്‍

ഷോപ്പിംഗ് സൈറ്റുകള്‍ സുരക്ഷിതമല്ലെങ്കില്‍ ഒരിക്കലും ക്രെഡിറ്റ് കാര്‍ഡുകള്‍ ഉപയോഗിക്കരുത്. ഹാക്ക് ചെയ്യപെടാന്‍ സാധ്യതയുണ്ട്.

ക്രെഡിറ്റ് ലിമിറ്റ് അടുത്താല്‍

ക്രെഡിറ്റ് ലിമിറ്റ് നോക്കി വേണം എപ്പോഴും ക്രെഡിറ്റ് കാര്‍ഡ് ഉപയോഗിക്കാന്‍. ക്രെഡിറ്റ് ലിമിറ്റ് അടുക്കാറായല്‍ ക്രെഡിറ്റ് കാര്‍ഡ് ഉപയോഗിക്കരുത്.

കാര്‍ഡ് ഉപയോഗിക്കാനും ഫീസ്

ചില വ്യാപാരികള്‍ ക്രെഡിറ്റ് കാര്‍ഡ് വഴിയുള്ള ഇടപാടുകള്‍ക്ക് പണം ഈടാക്കുന്നുണ്ട്. ചാര്‍ജുള്ള സ്വൈപ്പിംഗ് മെഷീന്‍ അല്ല നിങ്ങള്‍ ഉപയോഗിക്കുന്നത് എന്നുറപ്പ് വരുത്തുക.

സുരക്ഷിതമായ ഇടപാടിന് ഓര്‍മ്മിക്കൂ

കാര്‍ഡ് വിവരങ്ങള്‍ പങ്കുവെയ്ക്കാതിരിക്കുക. കാര്‍ഡ് നഷ്ടപ്പെട്ടാല്‍ ഉടന്‍ റിപ്പോര്‍ട്ട് ചെയ്യുക. ബില്ലുകളും പ‍ർച്ചേസുകളും വിലയിരുത്തുക. തട്ടിപ്പുകളെപ്പറ്റി അറിയുക സൈറ്റുകളുടെ വിശ്വാസ്യത ഉറപ്പു വരുത്തുക.