എയർ ഇന്ത്യയിൽ 500 ഓളം തൊഴിലവസരം. ഊർജസ്വലരും അവിവാഹിതരുമായ യുവതീയുവാക്കൾക്കാണ് അവസരം ഒരുക്കിയിരിക്കുന്നത്. മുംബൈ, ഡൽഹി എന്നിവിടങ്ങളിൽ ക്യാബിൻ ക്രൂ ടീമിലേയ്ക്കാണ് ഉദ്യോ​ഗാർത്ഥികളെ ക്ഷണിച്ചിരിക്കുന്നത്.

ഡൽഹിയിൽ 450 ഒഴിവുകളും മുംബൈയിൽ 50 ഒഴിവുകളുമാണുള്ളത്. എയർ ഇന്ത്യ കാബിൻ ക്രൂ വിജ്ഞാപനം അനുസരിച്ച് ഡൽഹി, മുംബൈ എന്നിവിടങ്ങളിൽ ഏതെങ്കിലും ഒരു സ്ഥലത്തേയ്ക്ക് മാത്രമേ ഒരാൾക്ക് അപേക്ഷ അയയ്ക്കാനാകൂ.

ഒരു സർക്കാർ അംഗീകൃത ബോർഡ് അല്ലെങ്കിൽ യൂണിവേഴ്സിറ്റിയിൽ നിന്ന് 10 അല്ലെങ്കിൽ + 2 യോഗ്യത നേടിയവർക്ക് മാത്രമേ അപേക്ഷ സമർപ്പിക്കാനാകൂ. കൂടാതെ ഏതെങ്കിലും ഒരു എയർലൈൻസിൽ കുറഞ്ഞത് ഒരു വർഷമെങ്കിലും കാബിൻ ക്രൂ ആയി പ്രവർത്തിച്ചിട്ടുണ്ടാകണം.

താൽപ്പര്യമുള്ള ഉദ്യോ​ഗാർത്ഥികൾക്ക് ഓൺലൈനായി അപേക്ഷ സമ‍ർപ്പിക്കാവുന്നതാണ്. അപേക്ഷിക്കാൻ താത്പര്യമുള്ളവർക്ക്, എയർഇന്ത്യയുടെ വെബ്സൈറ്റായ www.airindia.in എന്ന പേജിലെ കരിയ‍ർ ഓപ്ഷനിൽ ക്ലിക്ക് ചെയ്ത് ഓൺലൈൻ അപേക്ഷാ ഫോം പൂരിപ്പിച്ച് അപേക്ഷിക്കാവുന്നതാണ്.

malayalam.goodreturns.in