ഇന്നലെ ഈ മാസത്തെ തന്നെ ഏറ്റവും ഉയർന്ന വിലയിൽ വ്യാപാരം നടന്ന സ്വർണ വിപണിയിൽ നേരിയ ആശ്വാസം. പവന് 80 രൂപ കുറഞ്ഞ് 22,720 രൂപയ്ക്കാണ് വ്യാപാരം പുരോഗമിക്കുന്നത്. ഗ്രാമിന് 10 രൂപ കുറഞ്ഞ് 2,840 രൂപയാണ് വില.
ഇന്നലെ പവന് 120 രൂപയാണ് വര്ദ്ധിച്ചിരുന്നത്. പവന് 22,800 രൂപയിലും ഗ്രാമിന് 15 രൂപ വര്ധിച്ച് 2,850 രൂപയിലുമാണ് വ്യാപാരം നടന്നത്. ആഗോള വിപണിയിൽ സ്വർണ വിലയിൽ നേരിയ ഇടിവ് രേഖപ്പെടുത്തിയതാണ് ആഭ്യന്തര വിപണിയിലും ഇന്ന് വില കുറയാൻ കാരണം.
22,240 രൂപയാണ് ഈ മാസത്തെ ഏറ്റവും കുറഞ്ഞ വില. നാല് ദിവസം ഈ വിലയ്ക്ക് വ്യാപാരം നടന്നിരുന്നു. ജനുവരി അവസാനത്തോടെ വില കുറഞ്ഞിരുന്നെങ്കിലും ഫെബ്രുവരി ആരംഭിച്ചപ്പോൾ മുതൽ വിലയിൽ വർദ്ധനവാണ് രേഖപ്പെടുത്തുന്നത്.
ജനുവരി ആദ്യം 21880 രൂപയായിരുന്നു സ്വർണ വില. എന്നാൽ രണ്ടാമത്തെ ആഴ്ച്ച മുതൽ വില കുത്തനെ ഉയർന്നു തുടങ്ങി.
malayalam.goodreturns.in