മാസാവസാനം സ്വർണ വില വീണ്ടും കുറഞ്ഞു. പവന് 80 രൂപ കുറഞ്ഞ് 22,640 രൂപയിലും ഗ്രാമിന് 10 രൂപ കുറഞ്ഞ് 2,830 രൂപയ്ക്കുമാണ് ഇന്ന് വ്യാപാരം പുരോഗമിക്കുന്നത്.

രണ്ട് ദിവസത്തിന് ശേഷം ഇന്നലെ സ്വർണ വില 80 രൂപ കൂടിയിരുന്നു. എന്നാൽ ഇന്ന് വീണ്ടും വില താഴേയ്ക്ക് പോയി. പവന് 22,720 രൂപയാണ് ഇന്നലത്തെ വില. കഴിഞ്ഞ ആഴ്ച്ച സ്വർണത്തിന് ഈ മാസത്തെ തന്നെ ഏറ്റവും ഉയർന്ന വില രേഖപ്പെടുത്തിയിരുന്നെങ്കിലും പിന്നീട് വില താഴേയ്ക്ക് പോരുകയായിരുന്നു.

ആഗോള വിപണിയിൽ സ്വർണ വിലയിൽ നേരിയ കുറവ് രേഖപ്പെടുത്തിയതാണ് ആഭ്യന്തര വിപണിയിലും ഇന്ന് വില കുറയാൻ കാരണം. 22,240 രൂപയാണ് ഈ മാസത്തെ ഏറ്റവും കുറഞ്ഞ വില.

ജനുവരി അവസാനത്തോടെ വില കുറഞ്ഞിരുന്നെങ്കിലും ഫെബ്രുവരി ആരംഭിച്ചപ്പോൾ മുതൽ വിലയിൽ വർദ്ധനവാണ് രേഖപ്പെടുത്തുന്നത്. എന്നാൽ മാസാവസാനം വീണ്ടും കുറയുകയാണ്.

malayalam.goodreturns.in