വൊഡാഫോൺ ഉപഭോതാക്കൾക്ക് സന്തോഷ വാർത്ത. ഉപഭോക്താക്കൾക്കായി രണ്ട് പ്രീപെയ്ഡ് ഓഫറുകളാണ് കമ്പനി അവതരിപ്പിച്ചിരിക്കുന്നത്. 799 രൂപയുടെയും 549 രൂപയുടെയും ഓഫറുകളാണ് പുറത്തിറക്കിയിരിക്കുന്നത്.

വോഡഫോണ്‍ പ്രീപെയ്ഡ് ഉപഭോതാക്കള്‍ക്കായി പുറത്തിറക്കിയ ഏറ്റവും മികച്ച ഓഫറുകളില്‍ ഒന്നാണ് ഇത്. ദിവസേന 3.5 ജിബിയുടെ ഡാറ്റയും അണ്‍ലിമിറ്റഡ് ലോക്കല്‍ എസ്ടിഡി കോളുകളുമാണ് 549 രൂപയുടെ റീച്ചാര്‍ജില്‍ ഉപഭോതാക്കള്‍ക്ക് ലഭ്യമാകുക. കൂടാതെ ദിവസേന 100 എസ്എംഎസും ലഭിക്കും. 28 ദിവസമാണ് ഓഫറിന്റെ കാലാവധി.

799 രൂപയുടെ റീച്ചാര്‍ജില്‍ വോഡഫോണ്‍ പ്രീപെയ്ഡ് ഉപഭോതാക്കള്‍ക്ക് 28 ദിവസ കാലാവധിയില്‍ ദിവസേന 4.5 ജിബിയുടെ ഡാറ്റയും പരിധിയില്ലാതെ അണ്‍ലിമിറ്റഡ് ലോക്കല്‍ എസ്ടിഡി കോളുകളും കൂടാതെ 100 എസ്എംഎസ് ഓഫറുകളും ലഭ്യമാകും.

രണ്ട് ഓഫറുകളുടെയും കാലാവധിയിൽ വ്യത്യാസമില്ല. ഡേറ്റയിൽ മാത്രമാണ് വ്യത്യാസമുള്ളത്. എസ്എംഎസുകളും കോൾ പരിധിയും സമാനമാണ്.

malayalam.goodreturns.in