മാസാവസാനം സ്വർണ വില കുത്തനെ ഇടിഞ്ഞു. പവന് 120 രൂപ കുറഞ്ഞ് 22,520 രൂപയിലും ഗ്രാമിന് 15 രൂപ കുറഞ്ഞ് 2815 രൂപയ്ക്കുമാണ് ഇന്ന് വ്യാപാരം പുരോഗമിക്കുന്നത്. ഇന്നലെയും പവന് സ്വർണ വില 80 രൂപ കുറഞ്ഞിരുന്നു.

എന്നാൽ ഇന്ന് വീണ്ടും വില താഴേയ്ക്ക് പോയി. പവന് 22640 രൂപയാണ് ഇന്നലത്തെ വില. കഴിഞ്ഞ ആഴ്ച്ച സ്വർണത്തിന് ഈ മാസത്തെ തന്നെ ഏറ്റവും ഉയർന്ന വില രേഖപ്പെടുത്തിയിരുന്നെങ്കിലും പിന്നീട് വില താഴേയ്ക്ക് പോരുകയായിരുന്നു.

ആഗോള വിപണിയിൽ സ്വർണ വിലയിൽ നേരിയ കുറവ് രേഖപ്പെടുത്തിയതാണ് ആഭ്യന്തര വിപണിയിലും ഇന്ന് വില കുറയാൻ കാരണം. 22,240 രൂപയാണ് ഈ മാസത്തെ ഏറ്റവും കുറഞ്ഞ വില.

ജനുവരി അവസാനത്തോടെ വില കുറഞ്ഞിരുന്നെങ്കിലും ഫെബ്രുവരി ആരംഭിച്ചപ്പോൾ മുതൽ വിലയിൽ വർദ്ധനവാണ് രേഖപ്പെടുത്തുന്നത്. എന്നാൽ മാസാവസാനം വീണ്ടും വില കുറയുകയാണ്.

malayalam.goodreturns.in