കഴിഞ്ഞ കുറച്ചു ദിവസങ്ങളിലായി താഴ്ന്നു കൊണ്ടിരുന്ന പെട്രോള്‍ - ഡീസല്‍ വിലയില്‍ ഇന്ന് വര്‍ദ്ധനവ്. പെട്രോളിന് 19 പൈസയും ഡീസലിന് 25 പൈസയുമാണ് ഇന്ന് വര്‍ധിച്ചത്.

ലിറ്ററിന് 75.62 ആണ് തിരുവനന്തപുരത്തെ ഇന്നത്തെ പെട്രോള്‍ വില. ഡീസലിന് 67.84 രൂപയും. പെട്രോൾ വില പ്രധാന നഗരങ്ങളായ ഡൽഹിയിൽ ലിറ്ററിന് 71.75 രൂപ, കൊൽക്കത്തയിൽ 74.5 രൂപ, മുംബൈയിൽ 79.63 രൂപ ചെന്നൈയിൽ 74.4 രൂപ എന്നിങ്ങനെയാണ്.

ഡീസൽ വില ഡൽഹിയിൽ ലിറ്ററിന് 62.48 രൂപ, കൊൽക്കത്തയിൽ 65.17 രൂപ, മുംബൈയിൽ 66.54 രൂപ, ചെന്നൈയിൽ 65.87 രൂപ എന്നിങ്ങനെയാണ് വില. ഫെബ്രുവരിയിൽ പെട്രോൾ വിലയിൽ ലിറ്ററിന് 1.36 മുതൽ 1.48 രൂപയും ഡീസലിന് ലിറ്ററിന് 1.83 മുതൽ1.98 രൂപ വരെയും കുറവുണ്ടായിരുന്നു. എന്നാൽ മാർച്ച് ആരംഭിച്ചതോടെ വിലയിൽ വർദ്ധനവാണ് രേഖപ്പെടുത്തുന്നത്.

അതേസമയം എണ്ണ ഉത്പാദക രാഷ്ട്രമായ യുഎഇയില്‍ മാര്‍ച്ച് മാസത്തെ എണ്ണ വില പ്രഖ്യാപിച്ചപ്പോള്‍ വിലയില്‍ കുറവാണ് രേഖപ്പെടുത്തിയിരിക്കുന്നത്.

malayalam.goodreturns.in