സംസ്ഥാനത്ത് ഇന്ധന വിലയില്‍ വീണ്ടും വര്‍ദ്ധനവ്. പെട്രോളിന് 26 പൈസ കൂടി 75.88 രൂപയിലും ഡീസല്‍ വില ലിറ്ററിന് 22 പൈസ വര്‍ദ്ധിച്ച് 68.06 രൂപയിലുമാണ് വ്യാപാരം പുരോഗമിക്കുന്നത്.

ഇന്നലെ ഡീസലിന് 25 പൈസയുടെ വര്‍ദ്ധനവും പെട്രോളിന് 19 പൈസയുടെ വര്‍ദ്ധനവുമാണ് ഉണ്ടായിരുന്നത്. കഴിഞ്ഞ കുറച്ചു ദിവസങ്ങളിലായി താഴ്ന്നു കൊണ്ടിരുന്ന പെട്രോള്‍ - ഡീസല്‍ വില ഇന്നലെ മുതലാണ് വര്‍ദ്ധിക്കാൻ തുടങ്ങിയത്.

എന്നാൽ മാർച്ച് ആരംഭിച്ചതോടെ വിലയിൽ വർദ്ധനവാണ് രേഖപ്പെടുത്തുന്നത്. അതേസമയം എണ്ണ ഉത്പാദക രാഷ്ട്രമായ യുഎഇയില്‍ മാര്‍ച്ച് മാസത്തെ എണ്ണ വില പ്രഖ്യാപിച്ചപ്പോള്‍ വിലയില്‍ കുറവാണ് രേഖപ്പെടുത്തിയിരിക്കുന്നത്.

ഫെബ്രുവരിയിൽ ഇന്ധന വിലയില്‍ ഗണ്യമായ വര്‍ദ്ധനയുണ്ടായിരുന്നു. ഫെബ്രുവരിയില്‍ പ്രീമിയം ഗ്രേഡ് പെട്രോളിന് അഞ്ച് ദിര്‍ഹം വര്‍ദ്ധിച്ച് ലിറ്ററിന് 1.85 റിയാലും സൂപ്പറിന് അഞ്ച് ദിര്‍ഹം വര്‍ധിച്ച് 1.90 റിയാലുമായിരുന്നു നിരക്ക്.

malayalam.goodreturns.in