സ്വർണ വില ഉയ‍ർന്നു. രണ്ട് ദിവസത്തിന് ശേഷമാണ് ഇന്ന് സ്വ‍ർണ വിലയിൽ മാറ്റം രേഖപ്പെടുന്നത്. ഈ മാസം ആദ്യമായാണ് വിലയിൽ മാറ്റമുണ്ടാകുന്നതും.

പവന് 80 രൂപ കൂടി 22,600 രൂപയിലും ഗ്രാമിന് 10 രൂപ കൂടി 2825 രൂപയ്ക്കുമാണ് വ്യാപാരം പുരോഗമിക്കുന്നത്. കഴിഞ്ഞ മൂന്ന് ദിവസമായി 22520 രൂപയ്ക്കാണ് വ്യാപാരം നടന്നത്.

കഴിഞ്ഞ മാസം അവസാന ആഴ്ച്ച വിലയിൽ ഏറ്റക്കുറച്ചിലുകൾ രേഖപ്പെടുത്തിയിരുന്നു. 22,800 രൂപയാണ് ഫെബ്രുവരിയിലെ ഏറ്റവും ഉയ‍ർന്ന വില. ഈ വർഷത്തെ തന്നെ ഏറ്റവും ഉയർന്ന വിലയും ഇത് തന്നെയാണ്. ഫെബ്രുവരിയിലെ ഏറ്റവും കുറഞ്ഞ വില 22,240 രൂപയാണ്

ആഗോള വിപണിയിൽ സ്വർണ വിലയിൽ നേരിയ വർദ്ധനവ് രേഖപ്പെടുത്തിയതാണ് ആഭ്യന്തര വിപണിയിലും ഇന്ന് വില ഉയരാൻ കാരണം.

malayalam.goodreturns.in