ടിവിയുടെ വില വര്ദ്ധിപ്പിക്കാന് വിവിധ കമ്പനികള് നീക്കമാരംഭിച്ചു. കേന്ദ്രബജറ്റില് കസ്റ്റംസ് നികുതി ഉയര്ത്തിയതിനെ തുടര്ന്നാണ് കമ്പനികളുടെ തീരുമാനം. രണ്ട് മുതല് ഏഴ് ശതമാനം വരെ വില വര്ദ്ധിപ്പിക്കാനാണ് വിവിധ കമ്പനികളുടെ തീരുമാനം.
എല്.ഇ.ഡി/ഒ.എല്.ഇ.ഡി ടിവികള്ക്ക് 2 മുതല് ഏഴ് ശതമാനം വരെ വില വര്ധിപ്പിക്കാനാണ് പാനസോണിക് ആലോചിക്കുന്നത്. സാംസഗ് 5 മുതല് 6 ശതമാനവും വില വര്ദ്ധിപ്പിക്കുമെന്നാണ് സൂചന.
എല്.ജിയും സോണിയും എത്ര ശതമാനം വീതം വില വര്ദ്ധിപ്പിക്കുമെന്ന് വ്യക്തമാക്കിയിട്ടില്ല. വില വര്ദ്ധനവ് നടപ്പിലാക്കുന്നതോടെ വ്യാപാരത്തില് ഇടിവുണ്ടാവാന് സാധ്യതയുണ്ടെന്നാണ് വിവരം.
ടിവി നിര്മ്മാണത്തിനാവശ്യമായ അസംസ്കൃത വസ്തുക്കളുടെ ഇറക്കുമതി നികുതി കഴിഞ്ഞ ബജറ്റിൽ ധനമന്ത്രി അരുണ് ജയ്റ്റലി 15 ശതമാനമായി ഉയര്ത്തിയിരുന്നു. നേരത്തേ ഇത് 7.5 ശതമാനം മാത്രമായിരുന്നു. നികുതി വര്ദ്ധനവ് 10 ശതമാനമായെങ്കിലും കുറയ്ക്കണമെന്നാണ് ടിവി നിര്മ്മാതക്കളുടെ ആവശ്യം.
malayalam.goodreturns.in