സ്വ‍ർണ വില വീണ്ടും താഴേയ്ക്ക്

സംസ്ഥാനത്ത് സ്വര്‍ണ വില ഇന്ന് വീണ്ടും കുറഞ്ഞു. പവന് 80 രൂപ കുറഞ്ഞ് 22,560 രൂപയ്ക്കും ഗ്രാമിന് 10 രൂപ താഴ്ന്ന് 2,820 രൂപയ്ക്കുമാണ് വ്യാപാരം പുരോഗമിക്കുന്നത്.

ഇന്നലെയും പവന് 80 രൂപ കുറഞ്ഞിരുന്നു. പവന് 22640 രൂപയും ഗ്രാമിന് 2,830 രൂപയുമായിരുന്നു ഇന്നലത്തെ സ്വർണ വില. രണ്ട് ദിവസം മുമ്പാണ് സ്വ‍ർണത്തിന് ഈ മാസത്തെ ഏറ്റവും ഉയ‍ർന്ന വില രേഖപ്പെടുത്തിയത്. എന്നാൽ അതിന് ശേഷം വില താഴെയ്ക്ക് പോകുകയാണ്.

കഴിഞ്ഞ മാസം അവസാന ആഴ്ച്ച വിലയിൽ ഏറ്റക്കുറച്ചിലുകൾ രേഖപ്പെടുത്തിയിരുന്നു. 22,800 രൂപയാണ് ഫെബ്രുവരിയിലെ ഏറ്റവും ഉയ‍ർന്ന വില. ഈ വർഷത്തെ തന്നെ ഏറ്റവും ഉയർന്ന വിലയും ഇത് തന്നെയാണ്. ഫെബ്രുവരിയിലെ ഏറ്റവും കുറഞ്ഞ വില 22,240 രൂപയാണ്.

ആഗോള വിപണിയിൽ സ്വർണ വിലയിൽ നേരിയ കുറവ് രേഖപ്പെടുത്തിയതാണ് ഇന്ന് ആഭ്യന്തര വിപണിയിലും വില കുറയാൻ കാരണം.

malayalam.goodreturns.in