എയര്‍ ഇന്ത്യയുടെ ഔദ്യോഗിക ട്വിറ്റര്‍ പേജ് ഇന്നു പുലര്‍ച്ചയോടെ ഹാക്ക് ചെയ്യപ്പെട്ടു. മണിക്കൂറുകള്‍ക്കു ശേഷം അക്കൗണ്ട് പുനഃസ്ഥാപിച്ചു. തുർക്കി സൈബർ ഹാക്കർമാരാണ് അക്കൗണ്ട് ഹാക്ക് ചെയ്തതെന്നാണ് വിവരം.

ടര്‍ക്കിഷ് ഭാഷയിലുള്ള ചില ട്വീറ്റുകൾ എയർ ഇന്ത്യയുടെ ട്വിറ്റർ പേജിൽ കണ്ടതോടെയാണ് അക്കൌണ്ട് ഹാക്ക് ചെയ്യപ്പെട്ടതിനെ കുറിച്ചുള്ള സൂചന ലഭിച്ചത്. തുര്‍ക്കി അനുകൂല ട്വീറ്റുകളാണ് ഈ സമയത്ത് പേജില്‍ പ്രത്യക്ഷപ്പെട്ടിരുന്നത്.

കൂടാതെ അവസാന നിമിഷത്തെ അറിയിപ്പ് എന്ന പേരിൽ എയര്‍ ഇന്ത്യയുടെ എല്ലാ വിമാനങ്ങളും റദ്ദ് ചെയ്തിരിക്കുന്നുവെന്നും. ഇനി ടര്‍ക്കിഷ് വിമാനത്തില്‍ യാത്ര ചെയ്യാം എന്നും ഹാക്കർമാർ ട്വീറ്റ് ചെയ്തിരുന്നു.

എയർ ഇന്ത്യയുടെ ഒൗദ്യോഗിക വിലാസം airindiain എന്നത് മാറ്റി airindiaTR എന്നാക്കി മാറ്റുകയും ചെയ്തു. സംഭവത്തോടെ ട്വിറ്റര്‍ എയര്‍ ഇന്ത്യ അക്കൗണ്ടിന്റെ വേരിഫൈഡ് മാര്‍ക്ക് ഒഴിവാക്കുകയും ചെയ്തു.

malayalam.goodreturns.in