രാജ്യത്തെ ബാങ്കുകളില് അവകാശികളില്ലാതെ കിടക്കുന്നത് കോടികളെന്ന് റിസര്വ് ബാങ്ക് ഓഫ് ഇന്ത്യയുടെ വെളിപ്പെടുത്തല്. ആര്ബിഐയുടെ കണക്കു പ്രകാരം 11,302 കോടിയിലധികം രൂപയാണ് രാജ്യത്തെ വിവിധ ബാങ്കുകളിലായി അവകാശികളില്ലാതെ കിടക്കുന്നത്.
ആർബിഐ കണ്ടെത്തിയ അനാഥ അക്കൗണ്ടുകളിലെ പണത്തിന്റെ കണക്കു മാത്രമാണ് ഇത്. കണക്കിൽപ്പെടാത്ത തുക ഇനിയും ഏറെയുണ്ടെന്നാണ് വിവരം.
ഏറ്റവും കൂടുതല് പണം അനാഥമായി കിടക്കുന്നത് സ്റ്റേറ്റ് ബാങ്ക് ഓഫ് ഇന്ത്യയിലാണ്. 1,262 കോടി രൂപയാണ് എസ്ബിഐയില് ഉളളത്. പഞ്ചാബ് നാഷണല് ബാങ്കില് 1,250 കോടി രൂപയാണ് ഉളളത്. മറ്റു ബാങ്കുകളിലായി 7,040 കോടി രൂപയാണ് അവകാശികളില്ലാതെ കിടക്കുന്നത്. ആക്സിസ് ബാങ്ക്, എച്ച്ഡിഎഫ്സി, ഐസിഐസിഐ, കോട്ടക് മഹീന്ദ്ര, യെസ് ബാങ്ക് തുടങ്ങിയ സ്വകാര്യ ബാങ്കുകളിലടക്കം 1,416 കോടി രൂപയാണ് ഇത്തരത്തില് അവകാശികളില്ലാതെ കിടക്കുന്നത്.
മരിച്ച് പോയവരോ അല്ലെങ്കില് ഒന്നില് കൂടുതല് അക്കൗണ്ടുളളവരോ ആയിരിക്കും ഈ പണം നിക്ഷേപിച്ചിട്ടുണ്ടാവുക എന്നാണ് ആര്ബിഐ ഉദ്യോഗസ്ഥരുടെ വെളിപ്പെടുത്തൽ.
malayalam.goodreturns.in