സ്വർണ വിലയിൽ വൻ വർദ്ധനവ്; ഈ മാസത്തെ ഏറ്റവും ഉയ‍ർന്ന വില

സ്വര്‍ണ വിലയിൽ ഇന്ന് വൻ വർദ്ധനവ്. തുടര്‍ച്ചയായ രണ്ടാം ദിവസമാണ് സ്വര്‍ണ വില വര്‍ദ്ധനവ് രേഖപ്പെടുന്നത്. പവന് 120 രൂപയാണ് ഇന്ന് വര്‍ധിച്ചത്. പവന് 22,760 രൂപയും ഗ്രാമിന് 15 രൂപ വര്‍ധിച്ച് 2,845 രൂപയിലുമാണ് വ്യാപാരം പുരോഗമിക്കുന്നത്.

ഈ മാസത്തെ ഏറ്റവും ഉയര്‍ന്ന നിരക്കാണിത്. മാ‍‍ർച്ച് ഏഴിനും ഇതേ നിരക്കിൽ വ്യാപാരം നടന്നിരുന്നു. പവന് 22,640 രൂപയും ഗ്രാമിന് 2,830 രൂപയുമായിരുന്നു ഇന്നലത്തെ വില.

മാർച്ച് ആദ്യ ആഴ്ച്ചയിൽ സ്വ‍ർണത്തിന് ഈ മാസത്തെ ഏറ്റവും ഉയ‍ർന്ന വില രേഖപ്പെടുത്തിയിരുന്നെങ്കിലും പിന്നീട് വില താഴേയ്ക്ക് പോകുകയായിരുന്നു. എന്നാൽ ഇപ്പോൾ വീണ്ടും വില കുതിച്ചുയരുകയാണ്.

ആഗോള വിപണിയിൽ സ്വർണ വിലയിൽ വർദ്ധനവ് രേഖപ്പെടുത്തിയതാണ് ആഭ്യന്തര വിപണിയിലും വില കൂടാൻ കാരണം. 22,800 രൂപയാണ് കഴിഞ്ഞ മാസത്തെ ഏറ്റവും ഉയ‍ർന്ന വില. ഈ വർഷത്തെ തന്നെ ഏറ്റവും ഉയർന്ന വിലയും ഇത് തന്നെയാണ്.

malayalam.goodreturns.in