അമേരിക്കയുടെ വ്യവസായ നയങ്ങൾക്കെതിരെ ഇന്ത്യ ലോകവ്യാപാര സംഘടനയെ സമീപിക്കാൻ ഒരുങ്ങുന്നതായി റിപ്പോർട്ട്​. സ്​റ്റീലി​ന്റെയും അലുമിനിയത്തി​ന്റെയും ഇറക്കുമതി ചുങ്കം വർദ്ധിപ്പിച്ച യു.എസ്​ ഭരണകൂടത്തി​ന്റെ നടപടിക്കെതിരെയാണ്​ ഇന്ത്യ ലോകവ്യാപാര സംഘടനയെ സമീപിക്കുന്നത്​.

ഇറക്കുമതി തീരുവയിൽ അമേരിക്ക യൂറോപ്യൻ യൂണിയൻ, ആസ്​ട്രേലിയ, കാനഡ, മെക്​സികോ എന്നിവർക്ക്​ ഇളവ്​ അനുവദിച്ചതിന്​ പിന്നാലെയാണ്​ ഇന്ത്യയുടെ നടപടി. ചില രാജ്യങ്ങൾക്ക്​ മാത്രം ഇറക്കുമതി ചുങ്കത്തിൽ ഇളവ്​ അനുവദിച്ച തീരുമാനത്തിനെതിരെയാണ്​ ഇന്ത്യ വ്യാപാര സംഘടനയെ സമീപിക്കുന്നത്​​.

ഇതുസംബന്ധിച്ച കേന്ദ്രസർക്കാർ നിയമവിദഗ്​ധരുടെ ഉപദേശം തേടിയെന്നാണ്​ റിപ്പോർട്ട്​. അവരുടെ അഭിപ്രായത്തി​ന്റെ അടിസ്ഥാനത്തിൽ മാത്രമേ ഇന്ത്യ തുടർ നടപടികൾ സ്വീകരിക്കു. അമേരിക്കയിലേക്ക്​ ഇറക്കുമതി ചെയ്യുന്ന സ്​റ്റീൽ ഉൽപന്നങ്ങൾക്ക്​ 25 ശതമാനം നികുതിയും അലുമിനിയത്തിന്​ 15 ശതമാനം നികുതിയും ചുമത്താനാണ്​ ​ട്രംപ്​ ഭരണകൂടം തീരുമാനമെടുത്തത്​.

വിസ നിയന്ത്രണത്തിന് പിന്നാലെ കോള്‍ സെന്റര്‍ ജോലികള്‍ രാജ്യത്തിന് പുറത്തേക്ക് കരാ‍ർ കൊടുക്കുന്നത് തടയുന്നതിനുള്ള ബില്ലും കഴിഞ്ഞ ദിവസം അമേരിക്കന്‍ കോണ്‍ഗ്രസില്‍ അവതരിപ്പിച്ചിരുന്നു.

malayalam.goodreturns.in