സംസ്ഥാനത്ത് ഇന്ന് പെട്രോൾ, ഡീസൽ വില ഉയർന്നു. പെട്രോളിന് എട്ട് പൈസ വര്‍ദ്ധിച്ച് 76.27 രൂപയിലെത്തി. ഡീസലിന് 21 പൈസ വര്‍ദ്ധിച്ച് 68.61ലാണ് വ്യാപാരം പുരോഗമിക്കുന്നത്.

തുടര്‍ച്ചയായ മൂന്നാം ദിവസമാണ് ഇന്ധന വിലയില്‍ വര്‍ദ്ധനവ് ഉണ്ടാകുന്നത്. ഇന്നലെ പെട്രോളിന് നാല് പൈസയുടെയും ഡീസലിന് 14 പൈസയുടെയും വര്‍ദ്ധനവാണ് രേഖപ്പെടുത്തിയത്. ഈ മാസം വിലയിൽ പൊതുവെ വർദ്ധനവാണ് രേഖപ്പെടുത്തുന്നത്.

ഫെബ്രുവരിയിലും ഇന്ധന വിലയില്‍ ഗണ്യമായ വര്‍ദ്ധനവുണ്ടായിരുന്നു. അന്താരാഷ്ട്ര വിപണിയില്‍ പെട്രോള്‍ വില കുറയുമ്പോള്‍ സ്വകാര്യ എണ്ണകമ്പനികള്‍ വലിയ ലാഭം ഉണ്ടാക്കുകയാണ് എന്നതാണ് പൊതുവേയുള്ള ധാരണ. എന്നാല്‍ സ്വകാര്യ കമ്പനികള്‍ക്ക് മാത്രമല്ല സര്‍ക്കാറിനും ലാഭം കിട്ടുന്നുണ്ടെന്നാണ് വിവരം.

ഇന്ത്യയിലേക്കാൾ പെട്രോള്‍, ഡീസൽ വില കൂടുതലുള്ള രാജ്യങ്ങളാണ് ചൈന, നേപ്പാള്‍, ശ്രീലങ്ക, ചില യൂറോപ്യന്‍ രാജ്യങ്ങള്‍ എന്നിവ. ഈ രാജ്യങ്ങളെല്ലാം തന്നെ എണ്ണ ഇറക്കുമതി ചെയ്യുന്ന രാജ്യങ്ങളാണ്.

malayalam.goodreturns.in