എയ‍ർ ഏഷ്യയിൽ പറക്കാം വെറും 850 രൂപയ്ക്ക്. ആഭ്യന്തര വിമാന സ‍ർവ്വീസുകൾക്ക് 850 രൂപയും അന്താരാഷ്ട്ര സർവ്വീസുകൾക്ക് വെറും 1,999 രൂപയുമാണ് എയർ ഏഷ്യ പ്രഖ്യാപിച്ചിരിക്കുന്ന ടിക്കറ്റ് നിരക്ക്.

മാർച്ച് 26 മുതൽ ഏപ്രിൽ 1 വരെ ടിക്കറ്റുകൾ ബുക്ക് ചെയ്യാം. എയർ ഏഷ്യയുടെ വെബ്സൈറ്റ് വഴിയോ മൊബൈൽ ആപ്ലിക്കേഷൻ വഴിയോ ടിക്കറ്റുകൾ ബുക്ക് ചെയ്യാവുന്നതാണ്.

ഒക്ടോബർ ഒന്നു മുതൽ 2019 മെയ് 28 വരെയുള്ള കാലയളവിൽ യാത്ര ചെയ്യാനുള്ള ടിക്കറ്റുകളാണ് ഈ നിരക്കിൽ ലഭിക്കുക. ക്വാലാലംപൂർ, ബാങ്കോക്ക്, ഫുക്കേത്, മെൽബൺ തുടങ്ങിയ സ്ഥലങ്ങളിലേയ്ക്കാണ് 1,999 രൂപയ്ക്ക് യാത്ര ചെയ്യാനാകുക.

ബാംഗ്ലൂർ, റാഞ്ചി, ജയ്പൂർ, ഭുവനേശ്വർ, വിശാഖപട്ടണം, നാഗ്പൂർ, ഇൻഡോർ, കൊച്ചി, ഹൈദരാബാദ്, പുനെ, ഗുവാഹത്തി, ചെന്നൈ, കൊൽക്കത്ത എന്നിവിടങ്ങളിലേയ്ക്ക് വെറും 850 രൂപ മാത്രമാണ് ടിക്കറ്റ് നിരക്ക്.

malayalam.goodreturns.in