അക്കൗണ്ടില്‍ മിനിമം ബാലന്‍സ് ഇല്ലാതെ എടിഎമ്മിലോ സൂപ്പര്‍മാര്‍ക്കറ്റിലോ ഡെബിറ്റ് കാര്‍ഡ് ഉപയോഗിച്ചാല്‍ ബാങ്കുകള്‍ പിഴ ഈടാക്കും. 17 രൂപ മുതല്‍ 25 രൂപ വരെയാണ് പിഴ ഈടാക്കുക.

മിനിമം ബാലന്‍സ് ഇല്ലാതെ ഓരോ തവണ കാര്‍ഡ് സ്വൈപ് ചെയ്യുമ്പോഴും പിഴ കൂടാതെ ജിഎസ്ടിയും ബാധകമാകും. എസ്ബിഐ 17 രൂപയും എച്ച്ഡിഎഫ്‌സി, ഐസിഐസിഐ ബാങ്ക് തുടങ്ങിയവ ഓരോ തവണ ഇടപാട് നിഷേധിക്കുമ്പോഴും 25 രൂപ വീതവുമാണ് ഈടാക്കുന്നത്.

ചെക്ക് മടങ്ങുന്നതിന് സമാനമായ രീതിയാണിതെന്നും അതിനാലാണ് പിഴ ഈടാക്കുന്നതെന്നുമാണ് ബാങ്കുകളുടെ വിശദീകരണം. അതുകൊണ്ട് തന്നെയാണ് താരതമ്യേന കുറഞ്ഞ തുക പിഴ ഈടാക്കുന്നതെന്നും ബാങ്കുകള്‍ വ്യക്തമാക്കി.

ബാങ്കിന്റെ ശാഖകളോ എടിഎമ്മോ ആശ്രയിക്കാതെ ഷോപ്പുകളില്‍ ഡെബിറ്റ് കാര്‍ഡുകള്‍ സ്വൈപ്പ് ചെയ്യുന്നതിന് ബാങ്കുകള്‍തന്നെ ഉപഭോക്താക്കളെ പ്രേരിപ്പിക്കുന്ന സാഹചര്യത്തിലാണ് ഇങ്ങനെ പണം ഈടാക്കാനുള്ള ബാങ്കുകളുടെ ശ്രമം.

malayalam.goodreturns.in