സ്വ‍ർണ വില കുതിച്ചുയരുന്നു; 2018ലെ ഏറ്റവും ഉയർന്ന വില

മൂന്ന് ദിവസത്തിന് ശേഷം സ്വര്‍ണ വിലയില്‍ വീണ്ടും വര്‍ദ്ധനവ്. പവന് 80 രൂപ വര്‍ദ്ധിച്ച് 22,920 രൂപയാണ് പവന്റെ ഇന്നത്തെ വില. ഗ്രാമിന് 10 രൂപ വര്‍ദ്ധിച്ച് 2,865 രൂപയിലാണ് വ്യാപാരം പുരോഗമിക്കുന്നത്.

മാര്‍ച്ച് മാസത്തിലെയും ഈ വർഷത്തെ തന്നെയും ഏറ്റവും ഉയര്‍ന്ന നിരക്കാണിത്. ഈ മാസത്തെ ഏറ്റവും കുറഞ്ഞ വില 22440 രൂപയാണ്. കഴിഞ്ഞ ആഴ്ച്ച നാല് ദിവസം ഈ വിലയിൽ വ്യാപാരം നടന്നിരുന്നു.

സ്വ‍ർണ വില കുതിച്ചുയരുന്നു; 2018ലെ ഏറ്റവും ഉയർന്ന വില

ആഗോള വിപണിയിൽ സ്വർണ വിലയിൽ വർദ്ധനവ് രേഖപ്പെടുത്തിയതാണ് ആഭ്യന്തര വിപണിയിലും വില കൂടാൻ കാരണം. 22,800 രൂപയാണ് കഴിഞ്ഞ മാസത്തെ ഏറ്റവും ഉയ‍ർന്ന വില. ഫെബ്രുവരിയിലെ ഏറ്റവും കുറഞ്ഞ വില 22,240 രൂപയാണ്.

മാർച്ച് ആദ്യ ആഴ്ച്ചയിൽ സ്വ‍ർണത്തിന് ഉയ‍ർന്ന വില രേഖപ്പെടുത്തിയിരുന്നെങ്കിലും പിന്നീട് വില താഴേയ്ക്ക് പോകുകയായിരുന്നു. എന്നാൽ ഇപ്പോൾ വീണ്ടും വില കുതിച്ചുയരുകയാണ്.

malayalam.goodreturns.in