പിന്നിൽ സോഫ്റ്റ്ബാങ്ക്

ഒലയും ഊബറും തമ്മിൽ ഒരുമിപ്പിക്കുന്നതിന് പിന്നിൽ ജാപ്പനീസ് ഇൻവെസ്റ്റ്മെന്റ് ഭീമൻ സോഫ്റ്റ്ബാങ്കാണ്. ഇന്ത്യയിൽ ഓ​ൺ​ലൈ​ൻ ടാ​ക്സി സേവനം ശക്തമാക്കുന്നതിന്റെ ഭാഗമായാണ് ഇരു കമ്പനികളെയും ഒരുമിപ്പിക്കാൻ ശ്രമം നടക്കുന്നതെന്നാണ് വിവരം.

ചർച്ച ആരംഭിച്ചിട്ട് ഒരു വർഷം

ഇരു കമ്പനികളിലും വൻ തോതിലുള്ള നിക്ഷേപം സോഫ്റ്റ്ബാങ്ക് നടത്തിയിട്ടുണ്ട്. ഒരു വർഷമായി ലയനം സംബന്ധിച്ച ചർച്ചകൾ നടക്കുന്നുണ്ടെങ്കിലും കാര്യമായ തീരുമാനങ്ങൾ എടുത്തിരുന്നില്ല. എന്നാൽ കഴിഞ്ഞ ഏതാനും ദിവസങ്ങളായി ചർച്ചകൾ ചൂടുപിടിച്ചിരിക്കുകയാണ്.

ഒല നിയന്ത്രിക്കും

ഒലയും ഊബറും ഒരുമിച്ചാൽ പുതിയ കമ്പനിയുടെ 27.5 % ഓഹരികൾ ഒലയ്ക്ക് കീഴിൽ ആയിരിക്കും. കരാർ ഏതാനും മാസങ്ങൾക്കുള്ളിൽ നടപ്പിലാക്കാൻ സാധ്യതയുണ്ടെന്നാണ് വിവരം.

ചൈനയിൽ ഊബർ കൈമാറി

ചർച്ചകൾ നടപ്പിലാകുകയാണെങ്കിൽ അതായത് ഒല ഊബറിൻറെ ഇന്ത്യൻ യൂണിറ്റിയെ ഏറ്റെടുത്താൽ ആഗോളതലത്തിൽ ഊബറിന്റെ നാലാമത്തെ ലയനമായിരിക്കും ഇത്. മുമ്പ് ചൈനയിലെ ഊബർ യൂണിറ്റ് എതിരാളികളായ ദീദിയ്ക്ക് കൈമാറിയിരുന്നു. റഷ്യൻ യൂണിറ്റ് ഒരാഴ്ച്ച മുമ്പ് യാൻഡെക്സിനും സൗത്ത് ഈസ്റ്റ് ഏഷ്യ യൂണിറ്റ് ​ഗ്രാബിനും ഊബർ കൈമാറി.