ചെറു നിക്ഷേപ പദ്ധതികളുടെ പലിശ നിരക്കിൽ മാറ്റമില്ല. ഏപ്രില്‍ - ജൂണ്‍ പാദത്തിലാണ് ചെറു നിക്ഷേപ പദ്ധതികളുടെ പലിശ നിരക്ക് പഴയതു തന്നെ നിലനിര്‍ത്താന്‍ സര്‍ക്കാര്‍ തീരുമാനിച്ചിരിക്കുന്നത്.

ബാങ്ക് നിക്ഷേപങ്ങളുടെ പലിശ നിരക്കിന് സമാനമാക്കുന്നതിന് വേണ്ടിയാണ് ഇത്തവണ പലിശ നിരക്കുകള്‍ വര്‍ദ്ധിപ്പിക്കേണ്ടെന്ന് സർക്കാർ തീരുമാനിച്ചത്.

പിപിഎഫ്, നാഷണൽ സേവിംഗ്സ് സർട്ടിഫിക്കറ്റ്സ് (എന്‍എസ് സി), സുകന്യ സമൃദ്ധി, പോസ്റ്റ് ഓഫീസ് നിക്ഷേപ പദ്ധതികള്‍, കിസാന്‍ വികാസ് പത്ര എന്നിവയാണ് ചെറുനിക്ഷേപങ്ങൾ. ഇവയുടെ പലിശ നിരക്കുകളില്‍ ഇതോടെ മാറ്റം വരില്ല.

അഞ്ചു വർഷത്തെ സീനിയർ സിറ്റിസൺ സേവിംഗ്സ് സ്കീമിന്റെ പലിശ നിരക്ക് 8.3 ശതമാനമാണ്. പിപിഎഫ്, എന്‍എസ് സി എന്നിവയ്ക്ക് 7.6 ശതമാനമാണ് നിലവിലെ പലിശ. കിസാൻ വികാസ് പത്രയ്ക്ക് 7.3%, സുകന്യ സമൃദ്ധി പദ്ധതിയ്ക്ക് 8.1 ശതമാനം എന്നിങ്ങനെയാണ് നിലവിലെ പലിശ നിരക്ക്. വരും പാദത്തില്‍ കൂടി ഇതേ പലിശ നിരക്ക് തുടരുമെന്നാണ് വിവരം.

malayalam.goodreturns.in