വിജയ് മല്യയ്ക്ക് മൂന്നാം വിവാഹം!!! വധു മുൻ കിങ്ഫിഷർ എയർഹോസ്റ്റസ്

ജോലി വാ​ഗ്ദാനം

2011ൽ കിങ്ഫിഷർ എയർലൈൻസില്‍ എയർഹോസ്റ്റസായി ജോലി വാഗ്ദാനം ചെയ്തു കൊണ്ടാണ് പിങ്കിയും മല്യയും തമ്മിൽ അടുക്കുന്നത്. പിന്നീട് നിരവധി പൊതുവേദികളിലും പിങ്കി മല്യയ്ക്കൊപ്പം പ്രത്യക്ഷപ്പെട്ടിരുന്നു.

സാമ്പത്തിക ബാധ്യതയിലും കൈവിട്ടില്ല

സാമ്പത്തിക ബാധ്യതകളുടെ സമയത്തും പിങ്കി മല്യയെ കൈവിട്ടില്ല എന്നതാണ് എടുത്തു പറയേണ്ട കാര്യം. അടുത്തിടെ ഇരുവരും ഒന്നിച്ചുള്ള മൂന്നാം വാർഷികവും ആഘോഷിച്ചിരുന്നു. ഇതിന് പിന്നാലെയാണ് ഇപ്പോൾ വിവാഹ വാ‍‍ർത്ത പുറത്തു വന്നിരിക്കുന്നത്.

മുൻ വിവാഹങ്ങൾ

എയർ ഇന്ത്യയിലെ എയർ ഹോസ്റ്റസായ സമീറ ത്യാബ്ജിയും ബാല്യാകാല സുഹൃത്ത് രേഖയുമായിരുന്നു മല്യയുടെ മുൻ ഭാര്യമാ‍ർ. രേഖയുമായുള്ള ബന്ധം ഇതുവരെ ഔദ്യോഗികമായി വേ‍ർപെടുത്തിയിട്ടില്ല.

മക്കൾ

രണ്ടു വിവാഹങ്ങളിൽ നിന്നായി മൂന്ന് മക്കളുണ്ട് മല്യയ്ക്ക്. സിദ്ധാർഥ്, ലിയാന, ടാന്യ എന്നിവരാണ് വിജയ് മല്യയുടെ മക്കൾ.

പിടികിട്ടാപ്പുള്ളി

17 ബാ​ങ്കു​ക​ളി​ൽ​ നി​ന്നു​ള്ള 7000 കോ​ടി രൂ​പ വാ​യ്പ​യും പ​ലി​ശ​യു​മ​ട​ക്കം 9000 കോ​ടി രൂ​പ തി​രി​ച്ച​ട​യ്ക്കാ​തെ ബ്രി​ട്ട​നി​ലേ​ക്കു ക​ട​ന്ന കേ​സി​ൽ 2016 ജൂ​ണി​ൽ മ​ല്യ​യെ പി​ടി​കി​ട്ടാ​പ്പു​ള്ളി​യാ​യി പ്ര​ഖ്യാ​പി​ച്ചി​രു​ന്നു. കിം​ഗ് ഫി​ഷ​ർ എ​യ​ർ​ലൈ​ൻ​സി​ന് വേ​ണ്ടി​യാ​ണ് മ​ല്യ വ​ൻ​തു​ക​ ബാ​ങ്കി​ൽ നി​ന്നും വാ​യ്പ​യാ​യി വാ​ങ്ങി​യ​ത്.