റെയില്‍വേ ജീവനക്കാര്‍ക്ക് സന്തോഷ വാർത്ത. കാരണം ഇനി മുതല്‍ ജീവനക്കാർക്ക് അവധിയാത്രാ ആനുകൂല്യം (എല്‍.ടി.സി.) ലഭിക്കുമെന്ന് കേന്ദ്രസര്‍ക്കാര്‍ അറിയിച്ചു.

പേഴ്‌സണല്‍ മന്ത്രാലയമാണ് ചൊവ്വാഴ്ച ഇതു സംബന്ധിച്ച സര്‍ക്കുലര്‍ പുറത്തിറക്കിയത്. ഏഴാം ശമ്പളക്കമ്മിഷന്റെ ശുപാര്‍ശ പ്രകാരം റെയില്‍വേ മന്ത്രാലയവുമായി ആലോചിച്ചാണ് തീരുമാനം.

റെയില്‍വേയില്‍ ജോലിചെയ്യുന്ന സര്‍ക്കാര്‍ ജീവനക്കാര്‍ക്കും അവരുടെ പങ്കാളികള്‍ക്കും 'സൗജന്യ പാസ്' ഉള്ളതിനാല്‍ അവര്‍ക്ക് എല്‍.ടി.സി. നല്‍കാന്‍ കഴിയില്ലെന്നാണ് നിലവിലെ നിയമം. എന്നാൽ ഇനി മുതൽ റെയിൽവേ ജീവനക്കാർക്കും എല്‍.ടി.സി ലഭിക്കും. പക്ഷേ ജീവനക്കാര്‍ക്ക് നാലുവര്‍ഷത്തിലൊരിക്കലാണ് അഖിലേന്ത്യാതലത്തില്‍ എല്‍.ടി.സി. ലഭിക്കുക.

'ഹോം ടൗണ്‍ എല്‍.ടി.സി' ലഭിക്കില്ലെന്നും സര്‍ക്കുലറില്‍ പറയുന്നു. മാത്രമല്ല, എല്‍.ടി.സി. ലഭ്യമാകുന്ന വര്‍ഷം പ്രിവിലേജ് പാസുകള്‍ (സൗജന്യ ടിക്കറ്റുകളോ മറ്റ് ആനുകൂല്യങ്ങളോ) അവര്‍ തിരിച്ചേല്‍പ്പിക്കണം. എന്നാല്‍, സ്‌കൂള്‍ പാസ്, ഡ്യൂട്ടി പാസ്, മെഡിക്കല്‍ ആവശ്യത്തിനുള്ള മറ്റു പാസുകള്‍ തുടങ്ങിയവയ്ക്ക് അര്‍ഹരായിരിക്കും.

malayalam.goodreturns.in