പ്രമുഖ വാഹന നിർമ്മാണ കമ്പനികളായ ടൊയോട്ട മോട്ടർ കോർപും സുസുക്കി മോട്ടോർകോർപും വാഹന വിപണന രംഗത്ത് സഹകരിക്കാൻ കരാർ ഒപ്പിട്ടു. വിപണിയിൽ കൂടുതൽ ശക്തമായ ആധിപത്യം ഉറപ്പിക്കുക എന്ന ലക്ഷ്യത്തോടെയാണ് പരസ്പരം സഹകരിക്കുന്നതെന്ന് ഇരു കമ്പനികളും പ്രസ്താവനയിൽ അറിയിച്ചു.
ബലേനോയും ബ്രെസയും ടൊയോട്ടയ്ക്ക്
കമ്പനികൾ തമ്മിലുള്ള ധാരണ പ്രകാരം സുസുക്കി രണ്ട് വാഹനങ്ങൾ ടോയോട്ടയ്ക്ക് നൽകും. ബലേനോ, വിറ്റാരാ ബ്രെസ എന്നീ മോഡലുകളാണ് സുസുക്കി ടൊയോട്ടയ്ക്ക് നൽകുന്നത്.
കൊറോള സുസുക്കിയ്ക്ക് സ്വന്തം
ടൊയോട്ട തിരിച്ചും രണ്ട് കാറുകൾ സുസുക്കിയ്ക്ക് നൽകും. ടൊയോട്ടയുടെ കൊറോള, സെഡാൻ എന്നിവയാണ് സുസുക്കിക്ക് ലഭിക്കുക.
ചെലവ് ചുരുക്കാം
ഇരു കമ്പനികൾക്കും സംയുക്ത സ്രോതസ്സുകൾ ലഭിക്കുന്നതോടെ നിർമ്മാണ ചെലവ് കുറയ്ക്കാനാകും. ഈ കരാർ ഹൈബ്രിഡ് വാഹനങ്ങളിലേയ്ക്ക് കൂടി വിപുലീകരിക്കാനും പദ്ധതിയുണ്ട്.
2020ൽ ഇലക്ട്രിക് കാർ
2020ഓടെ ഇന്ത്യയിൽ മികച്ച ഇലക്ട്രിക് വാഹനങ്ങൾ പുറത്തിറക്കുന്നതിലും കമ്പനികൾ സഹകരിച്ച് പ്രവർത്തിക്കുമെന്ന് വ്യക്തമാക്കി. 2017 നവംബറിൽ തന്നെ ഇരു കമ്പനികളും സഹകരിച്ചു പ്രവർത്തിക്കാൻ തീരുമാനിച്ചതായാണ് വിവരം.
malayalam.goodreturns.in