സംസ്ഥാനത്ത് സ്വര്‍ണ വിലയില്‍ മൂന്നാം ദിവസവും മാറ്റമില്ല. പവന് 22,600 രൂപയും ഗ്രാമിന് 2825 രൂപയിലുമാണ് ഇന്നത്തെ വ്യാപാരം. പവന് 240 രൂപ കുറഞ്ഞാണ് മൂന്ന് ദിവസത്തിന് മുമ്പ് വില 22,600ൽ എത്തിയത്.

ഈ മാസം 27ന് 22,920 രൂപ വരെ വില ഉയര്‍ന്നിരുന്നു. 2016 നവംബറിന് ശേഷമുള്ള ഏറ്റവും വലിയ വിലയായിരുന്നു ഇത്. ഇതില്‍ നിന്ന് നേരീയ കുറവ് മാത്രമേ ദിവസങ്ങള്‍ കഴിഞ്ഞും വിപണിയില്‍ ദൃശ്യമാകുന്നുള്ളൂ.

കഴിഞ്ഞ വര്‍ഷത്തെ അപേക്ഷിച്ച് സംസ്ഥാനത്ത് സ്വര്‍ണത്തിന് പൊതുവെ കൂടിയ വിലയാണിപ്പോഴുള്ളത്. ആഗോള വിപണിയിൽ സ്വർണ വിലയിൽ ഇടിവ് രേഖപ്പെടുത്തിയതാണ് ആഭ്യന്തര വിപണിയിലെ നേരിയ വില കുറവിന് കാരണം. 22,800 രൂപയാണ് കഴിഞ്ഞ മാസത്തെ ഏറ്റവും ഉയ‍ർന്ന വില.

ഫെബ്രുവരിയിലെ ഏറ്റവും കുറഞ്ഞ വില 22,240 രൂപയാണ്. മാർച്ച് ആദ്യ ആഴ്ച്ചയിൽ സ്വ‍ർണത്തിന് ഉയ‍ർന്ന വില രേഖപ്പെടുത്തിയിരുന്നെങ്കിലും പിന്നീട് വില താഴേയ്ക്ക് പോയി. മാസവസാനത്തോടെ വില വീണ്ടും താഴേയ്ക്ക് പോകുമെന്നാണ് നിലവിലെ സൂചന.

malayalam.goodreturns.in