എക്കാലത്തെയും ഉയര്‍ന്നനിരക്ക്

എക്കാലത്തെയും ഉയര്‍ന്ന നിരക്കിലാണ് ഇപ്പോൾ വ്യാപാരം നടക്കുന്നത്. കഴിഞ്ഞ നാലു വർഷത്തിനിടയിലെ ഏറ്റവും ഉയർന്ന നിരക്കായ 70.08 രൂപയാണ് ഡീസലിന് ഇന്നലത്തെ വില. ഇന്ന് വില വീണ്ടും ഉയർന്ന് 70.20 രൂപയായി. 2013ലാണ് ഇതിലും ഉയര്‍ന്ന വില രേഖപ്പെടുത്തിയിട്ടുള്ളത്.

പെട്രോൾ വില

പെട്രോൾ ലിറ്ററിന് 77.67 രൂപയാണ് ഇന്നലത്തെ വില. ഇന്ന് വില വീണ്ടും ഉയർന്ന് 77.78 രൂപയായി.

18 ശതമാനം വില വർദ്ധനവ്

2017 ജൂണ്‍ മുതലാണ് ഇന്ധന വിലയില്‍ ദിവസവും മാറ്റം വരുത്താൻ തുടങ്ങിയത്. ഇതിനു ശേഷം ഡീസല്‍ വില 18 ശതമാനം കൂടിയിട്ടുണ്ട്. പെട്രോള്‍ വില 12 ശതമാനത്തിലേറെയും കൂടി.

എക്സൈസ് തീരുവ

എക്സൈസ് തീരുവയിലുള്ള വർദ്ധനവാണ് പെട്രോൾ, ഡീസൽ വില ഉയരാൻ പ്രധാന കാരണം. കഴിഞ്ഞ നാല് വർഷത്തിനിടെ പെട്രോളിന്റെ എക്‌സൈസ് തീരുവ 105.49 ശതമാനവും ഡീസലിന്റേത് 240 ശതമാനവും വര്‍ദ്ധിച്ചു.

പ്രതിഷേധം ശക്തമായി ചെറിയ ഇളവ്

ഇന്ധനവില ഉയരുന്നതില്‍ പ്രതിഷേധം ശക്തമായതിനെത്തുടര്‍ന്ന് കഴിഞ്ഞ ഒക്ടോബറില്‍ തീരുവ നേരിയ തില്‍ കുറച്ചിരുന്നു. എന്നാൽ വെറും രണ്ടു രൂപയുടെ വ്യത്യാസം മാത്രമാണ് ഇതുവഴിയുണ്ടായത്.

രൂപയുടെ മൂല്യം

ഡോളറിന് എതിരെ രൂപയുടെ മൂല്യം കുറയുന്നതും പെട്രോൾ, ഡീസൽ വിലകളെ ബാധിക്കുന്നുണ്ട്. വില കൂടാനുള്ള പ്രധാന കാരണങ്ങളിലൊന്ന് ഇതാണ്.